Tar kə̂ Maji kə̂ Jan dda makəturu tə̂ 4:48 - Dɔnɔn kə̂ Siki: Tar kə̂ aw arə təbbə

⁴⁸ Jeju pa arɛ̂ nan: «Bbo m-dda nɛ̂n-mɔrije kə nɛ̂nje kə̂ dum dɔ koo ang a, â kasəje ta koo məse tə̂ ang.»

Tar kə̂ Maji kə̂ Jan dda makəturu tə̂ 4:48 Iomraidhean Croise

Matiye 16:1

Parijinyɛje kə Sadusinyɛje ddeeje rɔ Jeju tə̂ ta nɛɛ̂n. N̂-dujeje nan: «Ə-dda marə nɛ̂n-mɔri kə̂ in darâ arəje joo.»

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 27:42

«Naji marə dəwje, a nasə kaji da-rɔɛ̂ njaa ang! Tɔkə mbay kə̂ Ijarayɛl le â nəənn wa? Bbo nin kakə-dəsə tə̂ nuru nangə̂ a, ja kunn məje karɛ̂.

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Luku 10:18

Jeju ilade tə̂ nan: «Moo Satan kə̂ in darâ oso tokə lə ndi kə̂ aw təəl.

Luku 16:31

Abaraham le pa arɛ̂ nan: ‹Bbo dooje ndu lə Mɔyijə kə tarje lə njê-kilaje mbər tar lə Lubba ang a, le marə dəw kə̂ oy ndol aw pa tar arəde njaa kara dâ kooje tar laa ang tɔ.› »

Tar kə̂ Maji kə̂ Jan dda makəturu tə̂ 12:37

Jeju dda nɛ̂n-mɔrije nya njaa kəm dəwje tə̂ le, a dooje məde tə̂ saa ang.

Tar kə̂ Maji kə̂ Jan dda makəturu tə̂ 15:24

Bbo m-dda nɛ̂nje kə̂ dəw dda ndɔ kâra ang horode tə̂ ang a, tar majang a to dɔde tə̂ ang. A bbasinɛn, dooje nɛ̂nje kə̂ m-dda, a n̂-mbətəmje ddəm n̂-mbətəje Bɔmje ddəm.

Tar kə̂ Maji kə̂ Jan dda makəturu tə̂ 2:18

Yeenn bba, tɔkəje lə Jiipije paje arəje Jeju nan: «Nɛ̂n-mɔri ddi â, â dda ta tɔju to ee kə ddəw ta dda nɛ̂n nɛ̂n kə̂ ə-dda nəənn wa?»

Tar kə̂ Maji kə̂ Jan dda makəturu tə̂ 20:29

Jeju pa arɛ̂ nan: «Oo məi tə̂ mba koo kə̂ oom le wa? Maji nya arə dəwje kə̂ oomje ang ddəm, a ooje məde tə̂.»

Tar kə̂ Maji kə̂ Jan dda makəturu tə̂ 4:49

Nje-kula lə tɔkə mbay le ilɛ̂ tə̂ nan: «Əbbə-dəwje, aw bba nan ngonnəm a koy.»

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 15:12

Dəwje tɔyn kə̂ mbɔnje naan le isije ddekeke ngaâ tukaje mbide ooje nɛ̂n tar kə̂ Barnabas de kə Pɔl daw paje dɔ nɛ̂n-mɔrije tə̂ kə nɛ̂nje kə̂ dumje dɔ koo tə̂ kə̂ Lubba dda ddəw tə̂ ləde horo dəwje tə̂ kə̂ toje to Jiipije ang le.

Kulaje 2:19

Mâ dda nɛ̂n kə̂ dum dɔ koo taar mə dara tə̂ ddəm mâ dda nɛ̂n-mɔrije bəər dɔ nangə tə̂ ddəm. Məsə, puru kə tɔkə sa-puru.

Kulaje 2:22

«Ngann Ijarayɛlje, maji karə ooje tar kə̂ mâ ta pa karəse nəənn. Jeju kə̂ Najarɛtə le to dəw kə̂ Lubba tɔjuse to ne â nulɛ̂ narəse. Yeenn bba Lubba arə n̂-dda nɛ̂n-mɔrije, nɛ̂nje kə̂ dum dɔ koo kə nɛ̂n-kɔbbuje dang dang horose tə̂. Ə-gərəje nɛ̂njeenn kə majɛ̂.

Kulaje 2:43

Bbəəl uta dɔ dəwje tɔyn, mba Lubba dda nɛ̂nje kə̂ dum dɔ koo kə nɛ̂n-mɔrije nya nya ddəw tə̂ lə njê-kaw-kulaje.

Kulaje 4:30

Maji karə ə-tɔju singa-mɔngu ləi arə rɔ-toje goto rɔ dəwje tə̂, arə nɛ̂n-mɔrije kə nɛ̂nje kə̂ dum dɔ koo toje. Arə nɛ̂njeenn toje tokə baann kə ri Jeju kə̂ to nje-kula ləi kə̂ maji tɔyn.»

Kulaje 5:12

Njê-kaw-kulaje ddaje nɛ̂n-mɔrije kə nɛ̂nje kə̂ dum dɔ koo nya nya horo dəwje tə̂. Dəwje tɔyn kə̂ ooje məde tə̂ mbɔnje naan kɔ baranda tə̂ lə Salomɔn.

Kulaje 6:8

Mə-maji lə Lubba kə singa-mɔngu laa to dɔ Etiyɛnn tə̂ arə n̂-dda nɛ̂n-mɔrije kə nɛ̂nje kə̂ dum dɔ koo dang dang horo dəwje tə̂.

Kulaje 7:36

Ne â nɔrude n̂-tee kə de nangə tə̂ kə̂ Ejipitə kə ddang ddəw nɛ̂n-mɔrije tə̂ kə nɛ̂nje kə̂ dum dɔ koo tə̂, mə bbe tə̂ kə̂ Ejipitə ddəm mə ‹Ba-katə Kasɛ› tə̂ ddəm mə kɔr tə̂ kə̂ n̂-ddaje bbe tə̂ bbal dɔsɔ ddəm.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

1 Kɔrɛntinyɛje 1:22

Jiipije dujuje nɛ̂n-mɔri, a Gɛrɛkəje aw sangəje kəm-karɛ.

2 Kɔrɛntinyɛje 12:12

M-tɔ wurum mə nɛ̂nje tə̂ tɔyn kə̂ ingamje, m-dda nɛ̂nje kə̂ dum dɔ koo kə nɛ̂n-mɔrije dang dang bbeê ləse. Yeenn tɔju to m-to nje-kaw-kula njaa.

2 Tesalonisinyɛje 2:9

Satan a karə singa-mɔngu nje-mə-majang le bba a ddee nɛ̂n. Nâ dda nɛ̂n-mɔrije dang dang tɔyn kə nɛ̂nje kə̂ dum dɔ koo ta kərə nɛ̂n dəwje.

Ebərəje 2:4

Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.