Tar kə̂ Maji kə̂ Jan dda makəturu tə̂ 4:42 - Dɔnɔn kə̂ Siki: Tar kə̂ aw arə təbbə

⁴² Ngaâ, n̂-paje darəje dɛnɛ̂n le nan: «Bbasinɛn, joo məje tə̂ saa mba tarje ləi kə̂ ə-pa le njaa ang ngaa. Joo məje tə̂ mba jeje njaa joo tarje kə̂ tɛɛ̂ tə̂ ngaâ n-gərə to, ne njaa n̂-to Nje-kaji-dəwje kə̂ duninya tə̂.»

Tar kə̂ Maji kə̂ Jan dda makəturu tə̂ 4:42 Iomraidhean Croise

Matiye 1:21

Nâ kuju ngonn kə̂ dingaw, ta â kunda ria nan Jeju, mba ne â nâ kaji dəwje laa mə majangje tə̂ ləde.»

Luku 2:32

to lo-karɛ kə̂ a kɔru kəm dəwje kə̂ dɔ nangə tə̂, dəwje kə̂ toje to Jiipije ang ddəm to nɛ̂n kə̂ a kɔsu gaji ngann Ijarayɛlje ddəm.»

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 11:17

Jeju tee Betani a, oo nan dila niinn Lajar buwa-yo tə̂ dda ndɔ sɔ ngaa.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 4:29

«Ə-ddeeje ooje dingaw kə̂ pa tar nɛ̂nje tɔyn kə̂ m-dda arəm nəənn. A du ang, ne â n̂-to Mesi le!»

Tar kə̂ Maji kə̂ Jan dda makəturu tə̂ 4:41

Yeenn bba, dəwje kə̂ ooje məde tə̂ saa mba tarje kə̂ ne njaa n̂-pa banyaje nya bbay.

Kulaje 13:23

Mə nuju tə̂ lə Dabbiti â duju Jeju kə̂ to Nje-kaji-dəwje kə̂ Ijarayɛl tə̂, ddəw kâra baa kə ndu Lubba kə̂ unn.

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

2 Kɔrɛntinyɛje 5:19

Mba Lubba â təl ungu dəwje kə̂ duninya tə̂ naan tə̂ saa ddəw tə̂ lə Kristə. Naa lo kə majang tə̂ ləde ang. Nula tar kungu dəwje naan tə̂ saa məje tə̂.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.