Tar kə̂ Maji kə̂ Jan dda makəturu tə̂ 4:41 - Dɔnɔn kə̂ Siki: Tar kə̂ aw arə təbbə

⁴¹ Yeenn bba, dəwje kə̂ ooje məde tə̂ saa mba tarje kə̂ ne njaa n̂-pa banyaje nya bbay.

Tar kə̂ Maji kə̂ Jan dda makəturu tə̂ 4:41 Iomraidhean Croise

Luku 4:32

Dəwje kə̂ ooje nɛ̂n-tɔju laa le dɔde ayn, mba naw pa tar tokə lə mbay-bbe.

Tar kə̂ Maji kə̂ Jan dda makəturu tə̂ 4:40

Mba yeenn bba, dəwje kə̂ Samari ddee teeje rɔ Jeju tə̂ le a, dujeje nan: «Ə-nayn kə je.» Ngaâ Jeju le nayn kə̂ de ndɔ joo.

Tar kə̂ Maji kə̂ Jan dda makəturu tə̂ 4:42

Ngaâ, n̂-paje darəje dɛnɛ̂n le nan: «Bbasinɛn, joo məje tə̂ saa mba tarje ləi kə̂ ə-pa le njaa ang ngaa. Joo məje tə̂ mba jeje njaa joo tarje kə̂ tɛɛ̂ tə̂ ngaâ n-gərə to, ne njaa n̂-to Nje-kaji-dəwje kə̂ duninya tə̂.»

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Tar kə̂ Maji kə̂ Jan dda makəturu tə̂ 7:46

Njê-ngəmje kəy-polo Lubba le ilajede tə̂ nan: «Ndɔ kâra dəw pa tar tokə dingaw nəənn ang.»

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Kulaje 8:12

A dəwje tɔyn, dingawje kə dɛnɛ̂nje kə̂ ooje məde tə̂ kə Tar kə̂ Maji kə̂ Pilipi tɔju dɔ Bbe-kɔn tə̂ lə Lubba ddəm dɔ tar tə̂ lə Jeju-Kristə ddəm ingaje batɛm.

Kulaje 8:25

Piyɛr de kə Jan n̂-paje tar-naji lə Əbbə-dəwje, dilaje mbər tar laa ngaâ n̂-təlje kə Jerujalɛm. Dilaje mbər Tar kə̂ Maji mə bbeje tə̂ nya nya kə ddəw ddəw nangə tə̂ kə̂ Samari.

Ebərəje 4:13

Nɛ̂n kâra kə̂ iya rɔɛ̂ nɔn Lubba tə̂ goto. Nɛ̂n tɔyn kə̂ Lubba dda to ddaka baa kəmɛ̂ tə̂. A ne Lubba le tɔ â, ja kɔru gəl nɛ̂nje tɔyn kə̂ n-ddaje karɛ̂je.