Tar kə̂ Maji kə̂ Jan dda makəturu tə̂ 3:27 - Dɔnɔn kə̂ Siki: Tar kə̂ aw arə təbbə

²⁷ Jan ilade tə̂ nan: «Nɛ̂n kə̂ dara arə bba dəw a kasə ta kinga.

Tar kə̂ Maji kə̂ Jan dda makəturu tə̂ 3:27 Iomraidhean Croise

Matiye 21:25

Batɛm lə Jan in dda wa? In rɔ Lubba tə̂ darâ wase in rɔ dəwje tə̂ wa?» A n̂-paje horode tə̂ nan: «Bbo jilaje tə̂ nan: ‹In rɔ Lubba tə̂› a, nâ pa nan: ‹Mba ddi bba ooje məse tə̂ saa ang wa?›

Matiye 25:15

Narə marə nje-kula kandə narɛ kɔr min. Narə marɛ̂ kɔr joo. A narə marɛ̂ kɔr kâra. Narə dəw kâra asə gue ngaâ naw mba tə̂ le.

Marke 13:34

Nɛ̂ɛnn a to tokə dəw kə̂ a ta kaw kə mba tə̂ ngaâ inya nɛ̂nje mə ji njê-kulaje tə̂ laa. Narə dəw kâra kâra kula laa karə dda. Nunn ndu narə nje-ngəm ta-kəy karə tibbi ang.

Tar kə̂ Maji kə̂ Jan dda makəturu tə̂ 10:41

Dəwje tokə banya ddeeje rɔɛ̂ tə̂ ngaâ paje nan: «Jan dda marə nɛ̂n-mɔri kâra ang. A tar tɔyn kə̂ n̂-pa dɔ dingaw tə̂ nəənn to tar kə̂ tɔkɔrɔ.»

Tar kə̂ Maji kə̂ Jan dda makəturu tə̂ 6:65

Ngaâ Jeju təl pa nan: «Mba yeenn bba m-pa marəse, bbo Bɔ arə ddəw dəw karə ddee rɔm tə̂ bba a kasə ta ddee rɔm tə̂.»

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 12:6

Lubba arəje gusuje dang dang ddəw mə-maji tə̂ laa kə̂ n̂-dda kə je. Dəw kə̂ Lubba arɛ̂ gusu karə ila nɛ̂n mbər tar lə Lubba a, maji karə dda kula laa le ddəw mə-kunn tə̂.

1 Kɔrɛntinyɛje 1:1

Əman Pɔl kə̂ Lubba bbarəm kə mə-ndiki laa karə m-to nje-kaw-kula lə Jeju-Kristə, əman kə ngokɔnʼm Sostɛnn,

1 Kɔrɛntinyɛje 12:11

Ne Ndil kə̂ kâra le njaa naw dda nɛ̂njeenn tɔyn. Narə gusu dəwje kâra kâra tokə məɛ̂ ndiki.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 3:5

Apolos to nân wa? Pɔl to nân wa? N̂-toje to njê-kulaje lə Lubba baa kə̂ ooje məse tə̂ ddəw tə̂ ləde. Nân nân kara dda kula ddəw gusu tə̂ kə̂ Əbbə-dəwje arɛ̂.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

Galatəje 1:1

Əman Pɔl, m-to nje-kaw-kula. To dəwje â bbarəmje karə m-ddee to nje-kaw-kula le ang ddəm ddəw tə̂ lə marə dəw ang ddəm. Jeju-Kristə kə Lubba kə̂ Bɔ kə̂ ndol Jeju kə̂ oy â n̂-bbarəmje.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.