Tar kə̂ Maji kə̂ Jan dda makəturu tə̂ 3:21 - Dɔnɔn kə̂ Siki: Tar kə̂ aw arə təbbə

²¹ A dəwje kə̂ aw ddaje nɛ̂n ddəw tar tə̂ kə̂ tɔkɔrɔ ddeeje kə lo-karɛ tə̂. Baann bba karə dəwje ooje nɛ̂nje kə̂ mə Lubba ndiki kə̂ daw ddaje.»

Tar kə̂ Maji kə̂ Jan dda makəturu tə̂ 3:21 Iomraidhean Croise

Tar kə̂ Maji kə̂ Jan dda makəturu tə̂ 1:47

Jeju oo Natanayɛl kə̂ aw ddee kə rɔɛ̂ tə̂ ngaâ pa tar dɔɛ̂ tə̂ nan: «Ngonn Ijarayɛl kə̂ tɔkɔrɔ â toonn. To dəw kə̂ ngəm to rɔɛ̂ tɛɛ̂ ang.»

Tar kə̂ Maji kə̂ Jan dda makəturu tə̂ 3:20

Dəwje tɔyn kə̂ aw ddaje majang ndikije lo-karɛ ang arə n̂-ddeeje kə lo-karɛ tə̂ ang mba kin karə dəwje ooje nɛ̂n-ddaje ləde kə̂ maji ang.

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

Galatəje 6:8

Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

Epɛjinyɛje 5:9

Lo-karɛ aw ddee kə nɛ̂nje kə̂ maji dang dang kə̂ to nɛ̂nje kə̂ gatə gatə kə nɛ̂nje kə̂ tɔkɔrɔ.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Jan 1:6

Bbo n-pa nan jaw ddaje mə-kâra kə Lubba, bba n-təlje jaw njaje lo ndul tə̂ a, jaw jərəje ngəm ngaâ n-ddaje nɛ̂n kə̂ tɔkɔrɔ ang.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.

Apokalisi 3:15

M-gərə kula-ddai, m-gərə to ə-wul ang ddəm ə-tunga ang ddəm. Bbo ə-wul wase ə-tunga a, a maji.