Tar kə̂ Maji kə̂ Jan dda makəturu tə̂ 3:16 - Dɔnɔn kə̂ Siki: Tar kə̂ aw arə təbbə

¹⁶ «Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:16 Iomraidhean Croise

Matiye 9:13

Yeenn a, maji karə awje aw sangəje ta gərə kandə tar kə̂ Lubba pa nəənn. Tar le nan: «Koo kəm-to-ndoo lə naan â m-ndiki bbo nɛ̂n-polo â m-ndiki ang. Mba dəwje kə̂ gatə gatə â m-ddee ta bbarde ang. M-ddee mba njê-nɛ̂n-ddaje kə̂ maji ang.»

Marke 12:6

Ngonnɛ̂ kə̂ dingaw kə̂ n̂-ndike nya kâra baa ngaa â nayn. Nulɛ̂ to dɔbɔyn dəw rɔ njê-kulaje tə̂ le, mba n̂-pa nan: ‹Bbo ngonnəm a, dâ bbəəlje.›

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 10:28

Marəde təbbə kə̂ to kə ndɔ kə ndɔ, dâ koyje ndɔ kâra ang ddəm dəw kâra a kɔrude jim tə̂ ang ddəm.

Tar kə̂ Maji kə̂ Jan dda makəturu tə̂ 3:15

Baann bba dəwje tɔyn kə̂ ooje məde tə̂ saa a kisije kə təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:18

Dəw kə̂ unn məɛ̂ arə Ngonn le a, sariya to dɔɛ̂ tə̂ ang. A dəw kə̂ unn məɛ̂ arɛ̂ ang, sariya to dɔɛ̂ tə̂ mban, mba noo məɛ̂ tə̂ kə Ngonn-kâra lə Lubba ang.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

Epɛjinyɛje 2:4

A Lubba oo kəm-to-ndoo ləje nya, mba n̂-ndikije nya.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

Titə 3:4

A kar tə̂ kə̂ Lubba kə̂ to Nje-kajije tɔju maji laa kə ndiki kə̂ n̂-ndiki dəwje a,

Ebərəje 2:9

A nɛ̂n kə̂ joo â nəənn: Jeju le Lubba dda arə n̂-ddee to dəw kə̂ ta-gɔl anjəje tə̂ mba gɔju kar bba karə ddəw mə-maji tə̂ lə Lubba noy mba dəwje tɔyn. Yeenn ngaâ bbasinɛn ninga piti kə kɔsu gaji mba koy kə̂ noy le.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

1 Jan 4:19

Jeje, ndiki to məje tə̂, mba Lubba ndikije dɔngɔr.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.