Tar kə̂ Maji kə̂ Jan dda makəturu tə̂ 3:15 - Dɔnɔn kə̂ Siki: Tar kə̂ aw arə təbbə

¹⁵ Baann bba dəwje tɔyn kə̂ ooje məde tə̂ saa a kisije kə təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:15 Iomraidhean Croise

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Luku 19:10

Mba Ngonn lə dəw ddee ta sangə dəwje kə̂ naynje kə kɔrɔ̂ mba kajide.»

Tar kə̂ Maji kə̂ Jan dda makəturu tə̂ 1:12

A dəwje tɔyn kə̂ tɛɛ̂je kə rɔde tə̂ ngaâ ooje məde tə̂ saa, dede le, narəde singa karə n̂-ddeeje to ngann lə Lubba.

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Tar kə̂ Maji kə̂ Jan dda makəturu tə̂ 6:47

«Tɔkɔrɔ njaa, m-pa marəse, dəw kə̂ unn məɛ̂, ee kə təbbə kə̂ to kə ndɔ kə ndɔ.

Kulaje 13:41

‹Ooje! See njê-yabbəje dəwje, arəje bbəəl ddase ta ə-gotoje kə ddang, mba mâ dda marə nɛ̂n ndɔ tə̂ kə̂ isije nɛ̂n kəm baa, bbo dəw ɔru gəl nɛ̂n le arəse a, â ndikije tə̂ ang.› »

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Rɔmɛnje 5:21

Ddəw kâra baa tokə majang ee kə singa ta kaw kə dəwje karə ingaje yo le, mə-maji lə Lubba ee kə singa mba dda karə dəwje ddeeje gatə gatə kəmɛ̂ tə̂, ta karə dingaje təbbə kə̂ to kə ndɔ kə ndɔ ddəw tə̂ lə Əbbəjeje Jeju-Kristə.

1 Kɔrɛntinyɛje 1:18

Tɔkɔrɔ, tar koy lə Kristə dɔ kakə-dəsə tə̂ to nɛ̂n-mbə baa kəm dəwje tə̂ kə̂ aw unnje ddəw yo. A tar le to singa-mɔngu lə Lubba kəmje jeje tə̂ kə̂ naw najije.

2 Kɔrɛntinyɛje 4:3

Bbo Tar kə̂ Maji kə̂ jaw jila mbəre le nayn uja mbi marə dəwje tə̂ ang bbay a, to dəwje kə̂ aw naynje kə kɔrɔ̂ â nayn uja mbide tə̂ ang bbay.

Galatəje 2:16

N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Ebərəje 10:39

A jeje, dəwje kə̂ təlje kə guku ngaâ naynje kə kɔrɔ̂ le jeeje horode tə̂ ang. Jeeje horo dəwje tə̂ kə̂ ooje məde tə̂ ta kinga nɛ̂n kaji.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.