Tar kə̂ Maji kə̂ Jan dda makəturu tə̂ 3:14 - Dɔnɔn kə̂ Siki: Tar kə̂ aw arə təbbə

¹⁴ Ddəw kâra baa tokə Mɔyijə bbərə li kə̂ n̂-dda kə andə taar mə kɔr tə̂ kəm dəwje tə̂ tɔyn le, maji karə n̂-bbərə Ngonn lə dəw taar kəm dəwje tə̂ tɔyn tɔ.

Tar kə̂ Maji kə̂ Jan dda makəturu tə̂ 3:14 Iomraidhean Croise

Matiye 26:54

A bbo m-dda tokə baann a, tarje kə̂ Makəturu lə Lubba pa le a ddeeje to nɛ̂n kə̂ tɔkɔrɔ tokə baânn wa? Makəturu le pa nan, maji karə nɛ̂ɛnn le to tokə baann.»

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Luku 24:20

Mbayje lə njê-poloje Lubba kə̂ bbeê ləje kə tɔkə mbayje ləje ilɛ̂je ji dəwje tə̂ arə n̂-gangəje sariya-yo dɔɛ̂ tə̂ ngaâ n̂-tɔlɛ̂ kakə-dəsə tə̂.

Tar kə̂ Maji kə̂ Jan dda makəturu tə̂ 18:32

Baann bba karə tar kə̂ Jeju pa mba tɔju nɛ̂n gar yo kə̂ nâ koy le ddee to nɛ̂n kə̂ tɔkɔrɔ.

Tar kə̂ Maji kə̂ Jan dda makəturu tə̂ 6:51

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Tar kə̂ Maji kə̂ Jan dda makəturu tə̂ 8:28

Yeenn ngaâ Jeju pa arəde nan: «Bbo ə-tɔje Ngonn lə dəw kakə tə̂ ə-lɛ̂je kə taar a, â gərəje to ‹Əman, M-to›. Â gərəje to m-dda nɛ̂n kâra kə dɔm baa ang, nɛ̂n kə̂ Bɔ tɔjum njaa â maw pa.

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.