Tar kə̂ Maji kə̂ Jan dda makəturu tə̂ 2:11 - Dɔnɔn kə̂ Siki: Tar kə̂ aw arə təbbə

¹¹ Dɔngɔr nɛ̂n-mɔri kə̂ Jeju dda â nəənn. N̂-dda nɛ̂ɛnn le Kana, nangə tə̂ kə̂ Galile, n̂-tɔju nɛ̂n piti laa kə ddaka ngaâ njê-njaje goe tə̂ ooje məde tə̂ saa.

Tar kə̂ Maji kə̂ Jan dda makəturu tə̂ 2:11 Iomraidhean Croise

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 1:43

Lo-karɛ̂ a, Jeju ndiki ta kaw Galile. Ninga Pilipi ngaâ n̂-pa narɛ̂ nan: «Unn gom.»

Tar kə̂ Maji kə̂ Jan dda makəturu tə̂ 1:50

Jeju ilɛ̂ tə̂ nan: «Mba pa kə̂ m-pa mari nan mooi kɔ kakə pigə tə̂ le bba oo məi tə̂ wa? A koo tɔkə nɛ̂nje kə̂ a kuta yeenn bbay.»

Tar kə̂ Maji kə̂ Jan dda makəturu tə̂ 10:41

Dəwje tokə banya ddeeje rɔɛ̂ tə̂ ngaâ paje nan: «Jan dda marə nɛ̂n-mɔri kâra ang. A tar tɔyn kə̂ n̂-pa dɔ dingaw tə̂ nəənn to tar kə̂ tɔkɔrɔ.»

Tar kə̂ Maji kə̂ Jan dda makəturu tə̂ 11:15

A rɔm nəələm nya mbase, mba mee nunn ang. Baann bba â kooje məse tə̂ səm. A jawje rɔ Lajar tə̂ le.»

Tar kə̂ Maji kə̂ Jan dda makəturu tə̂ 11:47

Yeenn ngaâ mbayje lə njê-poloje Lubba kə Parijinyɛje bbarje kəsə njê-gangəje sariya ləde ngaâ paje nan: «Ddi â ja ddaje wa? Dingaw nəənn dda nɛ̂n-mɔrije nya.

Tar kə̂ Maji kə̂ Jan dda makəturu tə̂ 12:18

Mba yeenn bba, dəwje kə̂ banya tilaje kəmɛ̂ mba dooje nan n̂-dda nɛ̂n-mɔri nəənn le.

Tar kə̂ Maji kə̂ Jan dda makəturu tə̂ 12:37

Jeju dda nɛ̂n-mɔrije nya njaa kəm dəwje tə̂ le, a dooje məde tə̂ saa ang.

Tar kə̂ Maji kə̂ Jan dda makəturu tə̂ 12:41

Ejayi pa baann mba noo piti lə Jeju ngaâ n̂-pa tar laa.

Tar kə̂ Maji kə̂ Jan dda makəturu tə̂ 14:13

Nɛ̂n tɔyn kə̂ ə-dujuje kə rim a, mâ dda. Baann bba Bɔ a kinga piti ddəw tə̂ lə Ngonn.

Tar kə̂ Maji kə̂ Jan dda makəturu tə̂ 16:27

mba Bɔy le njaa ndikise. N̂-ndikise mba ə-ndikimje ngaâ ooje məse tə̂ mban to min rɔ Lubba tə̂ bba m-ddee.

Tar kə̂ Maji kə̂ Jan dda makəturu tə̂ 16:30

Bbasinɛn n-gərə to ə-gərə nɛ̂n tɔyn bbo asə karə dəw duji tar ang. Mba yeenn bba, joo məje tə̂ to in rɔ Lubba tə̂ bba ə-ddee.»

Tar kə̂ Maji kə̂ Jan dda makəturu tə̂ 2:1

Ndɔ mota laa a, kusu taa-naan to ngonn bbe tə̂ kə̂ Kana, nangə Galile tə̂. Kɔn Jejuje ee loe tə̂.

Tar kə̂ Maji kə̂ Jan dda makəturu tə̂ 2:23

Jeju ee Jerujalɛm kar tə̂ kə̂ daw dda kusu Pakə. Dəwje nya ooje nɛ̂n-mɔrije kə̂ Jeju aw dda le ngaâ ooje məde tə̂ saa.

Tar kə̂ Maji kə̂ Jan dda makəturu tə̂ 3:2

N̂-ddee ninga Jeju til tə̂ ngaâ n̂-pa nan: «Nje-nɛ̂n-tɔju, n-gərə to Lubba ulai ta karə ə-tɔjuje nɛ̂n. Dəw kə̂ Lubba ee saa ang a kasə ta dda nɛ̂n-mɔrije kə̂ aw dda nəənn ang.»

Tar kə̂ Maji kə̂ Jan dda makəturu tə̂ 4:3

Jeju oo tar nəənn le a, nin Jude, n̂-təl Galile.

Tar kə̂ Maji kə̂ Jan dda makəturu tə̂ 4:46

Jeju təl ddee Kana, nangə tə̂ kə̂ Galile, lo tə̂ kə̂ n̂-dda narə maann təl ddee to bɛn tə̂ le. Marə nje-kula kə̂ bo kə̂ kəy lə tɔkə mbay, rɔ ngonnɛ̂ kə̂ dingaw toe Kapɛrnawum.

Tar kə̂ Maji kə̂ Jan dda makəturu tə̂ 4:54

Joo lə nɛ̂n-mɔri kə̂ Jeju dda â nəənn. N̂-dda nɛ̂ɛnn le kar tə̂ kə̂ nin Jude n̂-ddee Galile.

Tar kə̂ Maji kə̂ Jan dda makəturu tə̂ 5:23

Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.

Tar kə̂ Maji kə̂ Jan dda makəturu tə̂ 6:14

Dəwje le ooje nɛ̂n-mɔri kə̂ Jeju dda le a, n̂-paje nan: «Ne njaa â n̂-to nje-kila mbər tar lə Lubba kə̂ a ta ddee dɔ nangə tə̂ le.»

Tar kə̂ Maji kə̂ Jan dda makəturu tə̂ 6:2

Dəwje tokə banya unnje goe, mba dooje nɛ̂n-mɔrije kə̂ naw dda rɔ njê-rɔ-toje tə̂.

Tar kə̂ Maji kə̂ Jan dda makəturu tə̂ 6:26

Jeju ilade tə̂ nan: «Tɔkɔrɔ njaa, m-pa marəse, aw sangəmje mba mapa kə̂ usaje arəje məse ndann, bbo aw sangəmje mba nɛ̂n-mɔrije kə̂ ooje le ang.

Tar kə̂ Maji kə̂ Jan dda makəturu tə̂ 6:30

Yeenn ngaâ n̂-paje darɛ̂je nan: «Nɛ̂n-mɔri ddi â, â dda karə joo bba karə joo məje tə̂ səi wa? Ddi â, â dda wa?

Tar kə̂ Maji kə̂ Jan dda makəturu tə̂ 7:31

A horo dəwje tə̂ kə̂ banya le, dəwje nya ooje məde tə̂ saa. N̂-paje nan: «Ndɔ kə̂ Mesi le ddee a, nâ dda nɛ̂n-mɔrije uta lə dingaw nəənn wa?»

Tar kə̂ Maji kə̂ Jan dda makəturu tə̂ 9:16

Marə Parijinyɛje paje nan: «Dəw kə̂ dda nɛ̂n nəənn in rɔ Lubba tə̂ ang, mba n̂-bbəəl ndɔ-kuwa-rɔ ang.» A marɛ̂je paje nan: «Dəw kə̂ to nje-nɛ̂n-dda kə̂ maji ang a kasə dda nɛ̂n-mɔrije kə̂ be tokə baânn wa?» Tin-naan to horo Parijinyɛje tə̂ le.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

1 Jan 5:13

M-dda nɛ̂njeenn makəturu tə̂ marəse karə ə-gərəje to eeje kə təbbə kə̂ to kə ndɔ kə ndɔ, sese kə̂ ooje məse tə̂ kə ri Ngonn lə Lubba le.