Tar kə̂ Maji kə̂ Jan dda makəturu tə̂ 18:8 - Dɔnɔn kə̂ Siki: Tar kə̂ aw arə təbbə

⁸ Jeju ilade tə̂ nan: «M-pa marəse mban, əman â nəənn. A bbo, əman â aw sangəmje a, inyaje dəwje nəənn arəje dawje.»

Tar kə̂ Maji kə̂ Jan dda makəturu tə̂ 18:8 Iomraidhean Croise

Matiye 26:56

A nɛ̂njeenn tɔyn toje bba karə tar kə̂ njê-kilaje mbər tar lə Lubba paje Makəturu tə̂ le ddeeje to nɛ̂n kə̂ tɔkɔrɔ.» Yeenn ngaâ njê-njaje go Jeju tə̂ le tɔyn njaa aynje inyɛ̂je.

Tar kə̂ Maji kə̂ Jan dda makəturu tə̂ 10:28

Marəde təbbə kə̂ to kə ndɔ kə ndɔ, dâ koyje ndɔ kâra ang ddəm dəw kâra a kɔrude jim tə̂ ang ddəm.

Tar kə̂ Maji kə̂ Jan dda makəturu tə̂ 13:1

Nayn ndɔ kâra karə kusu Pakə asə a, Jeju gərə to kar kə̂ nâ kinya duninya nəənn ta kaw rɔ Bɔ tə̂ asə. Jeju ndiki dəwje laa kə̂ duninya tə̂ nəənn le ngaâ ndikide ndərəng tee kɔnyɛ̂ tə̂.

Tar kə̂ Maji kə̂ Jan dda makəturu tə̂ 13:36

Simɔn Piyɛr pa arə Jeju nan: «Əbbə-dəwje, aw aw kə dda wa?» Jeju ilɛ̂ tə̂ nan: «Asə ta kunn gom lo tə̂ kə̂ maw maw tə̂ bbasinɛn nəənn ang. A marə ndɔ a, â kunn gom bbay.»

Tar kə̂ Maji kə̂ Jan dda makəturu tə̂ 16:32

Ooje! Kar aw ddee. Kar le ddee mban karə ə-sarɛnje naan kâra kâra, ta â kinyamje kə karəm baa. A m-nayn kə karəm ang, mba Bɔy ee səm.

Tar kə̂ Maji kə̂ Jan dda makəturu tə̂ 18:7

Jeju təl dujude bbay nan: «Nân bba aw sangɛ̂je wa?» Dilɛ̂je tə̂ nan: «Jeju kə̂ Najarɛtə.»

Tar kə̂ Maji kə̂ Jan dda makəturu tə̂ 18:9

Nɛ̂ɛnn to baann bba karə tar kə̂ Jeju pa le ddee to tar kə̂ tɔkɔrɔ. Tar le nan: «Bɔy, dəw kâra horo dəwje tə̂ kə̂ arəm le nayn kɔrɔ̂ ang.»

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

2 Kɔrɛntinyɛje 12:9

A n̂-pa narəm nan: «Mə-maji kə̂ m-dda səi njaa asi. Kar tə̂ kə̂ singa dəw goto bba maw tɔju singa-mɔngu ləm.» Yeenn bba, m-ndiki nya ta kunda gum mba singam kə̂ goto, bba karə singa-mɔngu lə Kristə to dɔm tə̂.

Epɛjinyɛje 5:25

Dingawje, maji karə ə-ndikije dɛnɛ̂nje ləse tokə Kristə ndiki Egilisi, ndərəng arə təbbə laa mbɛɛ̂.

1 Piyɛr 5:7

Maji karə inyaje nɛ̂nje tɔyn kə̂ aw jɔku kəjə ləse mə jia tə̂, mba naw naa lo kə dɔse tə̂.