Tar kə̂ Maji kə̂ Jan dda makəturu tə̂ 18:11 - Dɔnɔn kə̂ Siki: Tar kə̂ aw arə təbbə

¹¹ A Jeju pa arə Piyɛr nan: «Ə-təl kə tɔkə kiya ləi le mə bbɔlɛ̂ tə̂. Əngo ndoo kə̂ Bɔy arəm le, mâ kay ang wa?»

Tar kə̂ Maji kə̂ Jan dda makəturu tə̂ 18:11 Iomraidhean Croise

Matiye 20:22

Jeju ilɛ̂ tə̂ nan: «Ə-gərəje nɛ̂n kə̂ aw dujuje ang. Â kasəje ta kay əngo kəm-to-ndoo kə̂ mâ ta kay wa?» Dilɛ̂je tə̂ nan: «Ja kasə.»

Matiye 26:39

Goe tə̂ a, n̂-ngəsə kə kete tɛn be ngaâ n̂-tee noso kə ta məɛ̂, n̂-dəbbə kəmɛ̂ nangə̂ ngaâ n̂-duju Lubba n̂-pa nan: «Bɔy, bbo ddəw to a, uta əngo kəm-to-ndoo nəənn kə ddang. A ə-dda tokə məi ndiki bbo tokə məm ndiki ang.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Luku 12:30

Mba nɛ̂njeenn tɔyn, dəwje kə̂ duninya tə̂ nəənn kə̂ gərəje Lubba ang â aw sangəje kə kar tɔyn. Bɔsese gərə to ə-ndikije ta kinga nɛ̂njeenn le.

Luku 22:42

n̂-pa nan: «Bɔy, bbo ə-ndiki a, uta əngo kəm-to-ndoo nəənn dɔm tə̂ kə ddang. Ə-dda tokə ye kə̂ məi ndiki bbo tokə ye kə̂ məm ndiki ang.»

Tar kə̂ Maji kə̂ Jan dda makəturu tə̂ 15:10

Bbo ə-ngəmje nduje ləm a, mâ nayn kaw ndikise. Ddəw kâra baa tokə m-ngəm nduje lə Bɔmje ngaâ nayn aw ndikim.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 18:36

Jeju ilɛ̂ tə̂ nan: «Bbe-kɔn ləm to Bbe-kɔn kə̂ duninya tə̂ nəənn ang. Bbo Bbe-kɔn ləm to bbe-kɔn kə̂ duninya tə̂ nəənn a, njê-kulaje ləm a ddaje ddɔ dɔm tə̂ mba karə dulam ji Jiipije tə̂ ang. A Bbe-kɔn ləm to bbe-kɔn kə̂ duninya tə̂ nəənn ang.»

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

2 Kɔrɛntinyɛje 10:4

Mba nɛ̂n-ddɔje kə̂ jaw ddɔje nɛ̂n toje to nɛ̂n-ddɔje kə̂ dəw â dda ang. Singa nɛ̂n-ddɔje le in rɔ Lubba tə̂ mba guru nɛ̂n ndokoje kə̂ ngəng, jaw tujuje kəjəje kə̂ toje kə dɔgɔlɛ̂ ang.

2 Kɔrɛntinyɛje 6:7

n-pa tar kə̂ tɔkɔrɔ, Lubba arəje singa-mɔngu laa. Junn nɛ̂n-dda kə̂ gatə gatə to nɛ̂n-dda ddɔ ləje ddəm to dər ləje ddəm.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.