Tar kə̂ Maji kə̂ Jan dda makəturu tə̂ 17:3 - Dɔnɔn kə̂ Siki: Tar kə̂ aw arə təbbə

³ Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 17:3 Iomraidhean Croise

Marke 9:37

«Dəw kə̂ taa marə ngonn kə̂ tokə ne nəənn kə rɔɛ̂ tə̂ kə rim a, əman njaa n̂-taam. Ngaa dəw kə̂ taam kə rɔɛ̂ tə̂ a, to dəw kə̂ ulam a n̂-tɛɛ̂ bbo to əman kə karəm ang.»

Luku 9:48

ngaâ n̂-pa narəde nan: «Dəw kə̂ taa ngonn nəənn kə rɔɛ̂ tə̂ kə rim a, əman njaa n̂-taam kə rɔɛ̂ tə̂ənn. A bbo dəw kə̂ taam kə rɔɛ̂ tə̂ a, taa dəw kə̂ ulam kə rɔɛ̂ tə̂ tɔ. Mba dəw kə̂ to ngaji baa horose tə̂ tɔyn, ne â n̂-to dəw kə̂ bo.»

Tar kə̂ Maji kə̂ Jan dda makəturu tə̂ 10:36

A əman kə̂ Bɔ undam dang ngaâ ulam dɔ nangə tə̂, m-pa nan m-to Ngonn lə Lubba a, mba ddi bba ə-paje nan maw tuju ri Lubba wa?

Tar kə̂ Maji kə̂ Jan dda makəturu tə̂ 11:42

M-gərə to aw ilam tar tə̂ kə ndɔ tɔyn njaa. A maw pa tar nəənn mba dəwje kə̂ gukumje nəənn. Baann bba karə dooje məde tə̂ to əi â ulam.»

Tar kə̂ Maji kə̂ Jan dda makəturu tə̂ 14:26

A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.

Tar kə̂ Maji kə̂ Jan dda makəturu tə̂ 17:18

Dede le, mulade duninya tə̂ tɔ tokə əi ulam duninya tə̂ le.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Tar kə̂ Maji kə̂ Jan dda makəturu tə̂ 17:23

M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

Tar kə̂ Maji kə̂ Jan dda makəturu tə̂ 17:25

Bɔ kə̂ gatə gatə, dəwje kə̂ duninya tə̂ gərije ang. A əman m-gəri ngaâ njê-njaje gom tə̂ nəənn gərəje to əi â ulam.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 3:17

Tɔkɔrɔ, Lubba ula Ngonnɛ̂ dɔ nangə tə̂ ta kaji dəwje ddəw tə̂ laa, bbo ta gangə sariya dɔde tə̂ ang.

Tar kə̂ Maji kə̂ Jan dda makəturu tə̂ 3:34

Dəw kə̂ Lubba ulɛ̂ aw pa tarje lə Lubba, mba Lubba aw arɛ̂ Ndil arə dduse.

Tar kə̂ Maji kə̂ Jan dda makəturu tə̂ 5:44

Sese aw pitije naan horose tə̂. A ə-sangəje piti kə̂ in rɔ Lubba tə̂ njaa ang. Yeenn a, â kasəje ta koo məse tə̂ tokə baânn wa?

Tar kə̂ Maji kə̂ Jan dda makəturu tə̂ 6:57

Bɔ kə̂ ulam le to nje-təbbə. Ne â narə misi kə təbbə. Ddəw kâra baa, dəw kə̂ usa taal-rɔm a, mâ karə isi kə təbbə.

Tar kə̂ Maji kə̂ Jan dda makəturu tə̂ 7:29

Əman, m-gəre mba min rɔɛ̂ tə̂ bba m-ddee ngaâ ne â nulam.»

Tar kə̂ Maji kə̂ Jan dda makəturu tə̂ 8:19

Parijinyɛje dujeje nan: «Bɔije le ee dda wa?» Jeju ilade tə̂ nan: «Ə-gərəmje ang ddəm ə-gərəje Bɔmje ang ddəm. Mba bbo ə-gərəmje a, â gərəje Bɔmje tɔ.»

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

1 Kɔrɛntinyɛje 8:4

Yeenn a, ja kasəje ta kusa daje kə̂ n̂-polo nɛ̂n kɔrje wa? N-gərəje kə majɛ̂ to kɔr goto dɔ nangə tə̂ ngaâ Lubba kâra baa bbo marə lubba dang to ang.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

2 Piyɛr 1:2

Maji karə Lubba dda kə se mə-maji nya ddəm narə məse wul lɔm nya ddəm ddəw gərə tə̂ kə̂ aw gərəje Lubba ddəm Jeju kə̂ to Əbbəjeje ddəm kə kete kete.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

2 Piyɛr 1:8

Mba bbo nɛ̂njeenn toje məse tə̂ ngaâ nɛ̂nje le ujuje nya nya a, a dda karə ə-ddaje kula bbo karə isije baa ang ngaâ â gərəje Əbbəjeje Jeju-Kristə kə kete kete.

1 Jan 1:2

Mba təbbə le tɔju rɔɛ̂ kə ddaka ngaâ jooe. N-to njê-pa tar-naji lə təbbə le ngaâ jaw jila mbər tar təbbə kə̂ to kə ndɔ kə ndɔ le jarəse. Təbbə kə̂ to kə ndɔ kə ndɔ le to mbɔr Bɔ tə̂ ləw ngaâ n̂-tɔjɛ̂ kə ddaka narəje.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 2:23

Dəw kə̂ mbətə Ngonn, mbətə Bɔ tɔ. Dəw kə̂ taa Ngonn kə rɔɛ̂ tə̂, taa Bɔ kə rɔɛ̂ tə̂ tɔ.

1 Jan 4:6

A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.