Tar kə̂ Maji kə̂ Jan dda makəturu tə̂ 17:13 - Dɔnɔn kə̂ Siki: Tar kə̂ aw arə təbbə

¹³ «Bbasinɛn, maw maw kə rɔi tə̂. A maw pa tar be duninya tə̂ bba karə rɔ-nəəl kə̂ minga le dingaje məde tə̂ tɔ, rɔ-nəəl kə̂ asə loe njaa.

Tar kə̂ Maji kə̂ Jan dda makəturu tə̂ 17:13 Iomraidhean Croise

Tar kə̂ Maji kə̂ Jan dda makəturu tə̂ 13:3

Jeju gərə to Bɔ inya nɛ̂n tɔyn mə jia tə̂ ngaâ nin rɔ Lubba tə̂ bba n̂-ddee arə nâ təl kə rɔɛ̂ tə̂.

Tar kə̂ Maji kə̂ Jan dda makəturu tə̂ 15:11

«M-pa tar nəənn marəse karə rɔ-nəəl kə̂ minga le ingaje tɔ ngaâ ta karə rɔ-nəəl ləse asə loe.

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Tar kə̂ Maji kə̂ Jan dda makəturu tə̂ 17:11

Mee duninya tə̂ ang ngaa, a dede deeje duninya tə̂ nəənn. Əman maw kə rɔi tə̂. Bɔ kə̂ maji tɔyn, maji karə ə-ngəmde ddəw singa tə̂ ləi, singa kə̂ arəm le karə n̂-toje kâra baa tokə əman je səi n-to kâra baa.

Tar kə̂ Maji kə̂ Jan dda makəturu tə̂ 3:29

Dəw kə̂ ee kə dɛnɛ̂n, to nje-dɛnɛ̂n le. A dəw kə̂ to nje-buwa-kura lə nje-dɛnɛ̂n le isi mbɔrɛ̂ tə̂. Naw noo tar laa ngaâ rɔɛ̂ nəəle nya mba ndue kə̂ naw noo le. Rɔ-nəəl nəənn le to ləm tɔ. To rɔ-nəəl kə̂ bo nya.

Tar kə̂ Maji kə̂ Jan dda makəturu tə̂ 7:33

Jeju pa nan: «M-nayn kə se mba gɔju kar baa ngaa. Goe tə̂ a, mâ təl kə rɔ dəw tə̂ kə̂ ulam le.

Kulaje 13:52

A njê-njaje go Əbbə-dəwje tə̂ kə̂ naynje bbe tə̂ kə̂ Antiyos eeje kə rɔ-nəəl nya ddəm Ndil-mə-nda ddusude ddəm.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

1 Jan 1:4

N-dda nɛ̂ɛnn makəturu tə̂ jarəse, mba karə rɔ-nəəl ləje to tɔyn.

2 Jan 1:12

Tarje toje nya ta dda makəturu tə̂ karəse. A m-ndiki ta dda makəturu tə̂ kə jim ang. Mba munda məm ta kaw rɔse tə̂ kə da-rɔm, ta pa tarje le karəse kə tam njaa, bba karə rɔ-nəəl ləje to tɔyn.