Tar kə̂ Maji kə̂ Jan dda makəturu tə̂ 16:2 - Dɔnɔn kə̂ Siki: Tar kə̂ aw arə təbbə

² Dâ tubbase kəy mbɔn-naanje tə̂. Kar aw ddee karə dəw kə̂ tɔlse a, əjə to polo â naw polo Lubba.

Tar kə̂ Maji kə̂ Jan dda makəturu tə̂ 16:2 Iomraidhean Croise

Matiye 10:28

Dəwje kə̂ da-rɔ dəw â a kasəje ta tɔl bbo kəwn lə dəw ang, ə-bbəəljede ang. Lubba â maji karə ə-bbəəleje. Ne â nasə ta dda karə kəwn lə dəw ddəm da-rɔ dəw ddəm gotoje kə ddang kəm puru tə̂ kə̂ aw ɔn kə ndɔ kə ndɔ.

Matiye 24:9

«Yeenn ngaâ dâ kuwase karə dəwje ulaje kəmse ndoo tə̂ ngaâ dâ tɔlse. Gəl-dəwje tɔyn a mbətəse mbam.

Luku 6:22

Bbo dəwje mbətəse, dəwje tubbase, dəwje tajise ngaâ paje tar ləse maji ang mba Ngonn lə dəw a, Maji arəse!

Tar kə̂ Maji kə̂ Jan dda makəturu tə̂ 12:42

A marə njê-kɔn dɔ Jiipije nya njaa kara ooje məde tə̂ kə Jeju. A n̂-ndikije ta pa kə ddaka ang mba Parijinyɛje a tubbade kəy mbɔn-naanje tə̂ ləde.

Tar kə̂ Maji kə̂ Jan dda makəturu tə̂ 16:25

«Gusu-tar â m-pa nɛ̂n tarje nəənn le tɔyn marəse. A tee marə kar tə̂ a, mâ pa tar karəse ddəw gusu-tar tə̂ ang ngaa. Mâ pa tar dɔ Bɔy tə̂ kə ddaka karəse.

Tar kə̂ Maji kə̂ Jan dda makəturu tə̂ 16:32

Ooje! Kar aw ddee. Kar le ddee mban karə ə-sarɛnje naan kâra kâra, ta â kinyamje kə karəm baa. A m-nayn kə karəm ang, mba Bɔy ee səm.

Tar kə̂ Maji kə̂ Jan dda makəturu tə̂ 4:21

Jeju ilɛ̂ tə̂ nan: «Dɛnɛ̂n, ə-ndiki tar tə̂ ləm: Kar aw ddee kə̂ â kawje dɔ ddingiri tə̂ toonn ang ddəm a kawje Jerujalɛm bba ta polo Bɔy ang ddəm.

Tar kə̂ Maji kə̂ Jan dda makəturu tə̂ 4:23

A marə kar aw ddee, kar le njaa nəənn, kə̂ dəwje kə̂ aw poloje Lubba tokə tɔkɔrɔ a poloje Bɔy ddəw Ndil tə̂ kə ddəw tar tə̂ kə̂ tɔkɔrɔ. Mba dəwje kə̂ aw poloje Lubba tokə baann â Bɔy aw sangəde.

Tar kə̂ Maji kə̂ Jan dda makəturu tə̂ 9:22

N̂-paje baann mba n̂-bbəəlje njê-kɔnje dɔ Jiipije. Mba dooje ta naan ta bbo dəw njaa pa kə ddaka nan Jeju to Mesi a, tubba dəw le kəy mbɔn-naan tə̂ ləde kə ddang.

Tar kə̂ Maji kə̂ Jan dda makəturu tə̂ 9:34

Parijinyɛje le ilɛ̂je tə̂ nan: «Duji mə majang tə̂ ngaâ ə-tɔku məɛ tə̂. A ə-ndiki ta tɔjuje nɛ̂n wa?» Yeenn ngaâ n̂-tubbɛ̂je kəy-mbɔ-naan tə̂ le.

Kulaje 5:33

Njê kə̂ lo gangə sariya tə̂ lə Jiipije le ooje tar kə̂ njê-kaw-kulaje paje le a, wungu ɔnde ngaâ n̂-ndikije karə dəwje tɔljede kə ddang.

Kulaje 7:56

N̂-pa nan: «Ooje, maw moo dara kə̂ təəyn kə Ngonn lə dəw kə̂ ar taar dɔ ji-kɔl Lubba tə̂.»

1 Kɔrɛntinyɛje 4:13

n̂-tujuje rije, a n-wul məde. Ndərəng bbasinɛn, kəm dəwje tə̂, n-təl to yərəw kə̂ duninya tə̂, n-təl to san-nɛ̂n kə̂ dungu kɔrɔ̂.

Pilipinyɛje 3:6

Bbo dda kula lə Lubba to məm tə̂ nya arə m-dda singa kə Egilisi nya. Tar to dɔm tə̂ ang, mba maw dda nɛ̂nje kə̂ gatə gatə ddəw ndu tə̂.

Apokalisi 6:9

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to min laa a, moo ndil dəwje kɔ bann tə̂. To ndil dəwje kə̂ n̂-tɔlde mba tar lə Lubba kə tar-naji kə̂ n̂-paje.