Tar kə̂ Maji kə̂ Jan dda makəturu tə̂ 16:13 - Dɔnɔn kə̂ Siki: Tar kə̂ aw arə təbbə

¹³ Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Tar kə̂ Maji kə̂ Jan dda makəturu tə̂ 16:13 Iomraidhean Croise

Tar kə̂ Maji kə̂ Jan dda makəturu tə̂ 12:49

Mba tarje kə̂ maw pa inje tam tə̂ njaa ang. To nduje kə̂ inje ta Bɔmje tə̂ kə̂ ulam. Ne njaa n̂-tɔjum tar kə̂ mâ pa ddəm nɛ̂n kə̂ mâ tɔju dəwje ddəm.

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 14:26

A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Tar kə̂ Maji kə̂ Jan dda makəturu tə̂ 16:12

«Tar to nya ta pa karəse bbay, a kə̂ bbasinɛn nəənn, â kasəje ta gərə kandɛ̂ tɔyn ang.

Tar kə̂ Maji kə̂ Jan dda makəturu tə̂ 3:32

Naw pa tar-naji nɛ̂nje kə̂ noo kə mbia ddəm kə kəmɛ̂ ddəm. A dəw kâra ndiki tə̂ kə tar-naji laa le ang.

Tar kə̂ Maji kə̂ Jan dda makəturu tə̂ 8:38

Əman, nɛ̂n kə̂ moo rɔ Bɔmje tə̂ â maw pa tarɛ̂. A sese, nɛ̂n kə̂ bɔsese pa arəse â aw ddaje.»

Kulaje 11:28

Ndil unda tar ta marɛ̂ tə̂ kâra kə̂ ria nan Agabus. Nin taar ngaâ n̂-pa nan: «Marə ndɔ a, tɔkə bbo a koso dɔ nangə tə̂ tɔyn.» A tɔkɔrɔ njaa bbo le oso dɔ ndɔ tə̂ kə̂ Kolodə to nɛ̂n to tɔkə mbay.

Kulaje 20:23

Uta tɔyn, mə bbe tə̂ kâra kâra tɔyn kə̂ m-tee tə̂, Ndil-mə-nda pa arəm nan kəy-kula, kula njamji kə nɛ̂n kəm-to-ndoo aw nginanʼmje.

Kulaje 27:24

ngaâ pa arəm nan: ‹Ə-bbəəl ang Pɔl. Maji karə ar nɔn tɔkə mbay tə̂ kə̂ Rɔm arə gangə sariya ləi. Lubba a ngəm dəwje tɔyn kə̂ eeje səi mə tɔkə to tə̂ nəənn ɔju dɔi.›

2 Tesalonisinyɛje 2:12

Yeenn bba Lubba a gangə sariya dɔ dəwje tə̂ kə̂ mbətəje ta koo məde tə̂ kə tar kə̂ tɔkɔrɔ, a nɛ̂n-dda kə̂ gatə gatə ang â dingaje rɔ-nəəl ddəwe tə̂.

2 Tesalonisinyɛje 2:3

Dang bba arəje marə dəw ərəse kə marə gusu ang. Dɔngɔrɛ̂, dəwje a kunnje kutu dda dɔ-kətərə kə Lubba bba. Ngaâ dəw kə̂ mbətə ta dda nɛ̂n kə turu ndu Lubba a tɔju rɔɛ̂ kə ddaka. Ne le Lubba undɛ̂ karə n̂-nayn kə kɔrɔ̂ nyɔm.

Ebərəje 1:1

Ləw, Lubba pa tar kə kajejedede gɔl banya nya kə gusu kə̂ dang dang ddəw tə̂ lə njê-kilaje mbər tar laa.

1 Jan 2:20

A sese, Ndil-mə-nda kə̂ Kristə arəse le isi məse tə̂ arə sese tɔyn ə-gərəje tar kə̂ tɔkɔrɔ.

1 Jan 2:27

A sese, Ndil-mə-nda kə̂ Kristə arəse nayn kə se le, marə dəw kə̂ dang a tɔjuse nɛ̂n ang ngaa. Ndil-mə-nda kə̂ Kristə arəse le aw tɔjuse nɛ̂nje tɔyn. Naw tɔjuse tar kə̂ tɔkɔrɔ mba n̂-to Ndil tar kə̂ tɔkɔrɔ bbo nərə ngəm ang. Yeenn bba, maji karə ə-naynje ddəw mə-kâra tə̂ saa tokə Ndil-mə-nda tɔjuse.

1 Jan 4:6

A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

1 Jan 5:6

Ne Jeju-Kristə, kə̂ n̂-ddee ddəw maann tə̂ kə ddəw məsə tə̂. N̂-ddee kə maann kâra baa ang, n̂-ddee kə maann ddəm kə məsə ddəm. Tar-naji kə̂ Ndil pa dɔ nɛ̂n tə̂ənn to tar kə̂ tɔkɔrɔ, mba n̂-to Ndil tar kə̂ tɔkɔrɔ.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Apokalisi 1:19

Nɛ̂n kə̂ aw oo nəənn, nɛ̂n kə̂ aw to nəənn kə nɛ̂n kə̂ a ddee goe tə̂, maji karə ə-dda makəturu tə̂.