Tar kə̂ Maji kə̂ Jan dda makəturu tə̂ 15:8 - Dɔnɔn kə̂ Siki: Tar kə̂ aw arə təbbə

⁸ Nɛ̂n kə̂ a karə piti Bɔmje â nəənn: Maji karə andəje kandə nya ngaâ ə-tɔjuje to ə-toje to njê-njaje gom tə̂.

Tar kə̂ Maji kə̂ Jan dda makəturu tə̂ 15:8 Iomraidhean Croise

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Matiye 5:44

A əman, m-pa marəse: Ə-ndikije njê-baanje ləse ngaâ ə-dujuje Lubba mba dəwje kə̂ aw ulaje kəmse ndoo.

Matiye 9:8

Dəwje kə̂ banya le ooje baann a, bbəəl uta dɔde ngaâ dɔsuje gaji Lubba mba singa kə̂ baann kə̂ narə dəwje le.

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Tar kə̂ Maji kə̂ Jan dda makəturu tə̂ 13:35

Bbo ə-ndikije naan a, dəwje tɔyn a gərəje to ə-toje to njê-njaje gom tə̂.

Tar kə̂ Maji kə̂ Jan dda makəturu tə̂ 15:5

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Tar kə̂ Maji kə̂ Jan dda makəturu tə̂ 8:31

Jeju pa arə Jiipije kə̂ ooje məde tə̂ saa nan: «Bbo ə-naynje ddəw tar tə̂ ləm a, ə-toje to njê-njaje gom tə̂ njaa.

1 Kɔrɛntinyɛje 10:31

Yeenn bba, bbo aw usaje nɛ̂n, aw ayje nɛ̂n wase nɛ̂n ddi bba aw ddaje kara, maji karə ə-ddaje nɛ̂n tɔyn mba kɔsu nɛ̂n gaji Lubba.

1 Kɔrɛntinyɛje 6:20

Lubba uka dɔse kə gatə kə̂ ngəng nya. Yeenn a, unnje da-rɔse le ɔsuje nɛ̂n gaji Lubba.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Titə 2:10

ngaâ n̂-bbokoje marə nɛ̂n ləde ang. Maji karə dasəje karə əbbədede undaje məde dɔde tə̂ kə ndɔ tɔyn. Baann bba dâ dda karə dəwje bbəəlje nɛ̂n-tɔju lə Lubba kə̂ to Nje-kajije.

Titə 2:5

darə n̂-ddaje nɛ̂n kə ddəwe, n̂-ngəmje rɔde, n̂-ddaje kula ngaw ləde, darə məde maji ngaâ dooje ta ngawdede. Baann bba dəwje a paje tar kə̂ maji ang dɔ tar tə̂ lə Lubba ang.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!