Tar kə̂ Maji kə̂ Jan dda makəturu tə̂ 15:5 - Dɔnɔn kə̂ Siki: Tar kə̂ aw arə təbbə

⁵ «Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Tar kə̂ Maji kə̂ Jan dda makəturu tə̂ 15:5 Iomraidhean Croise

Matiye 13:21

A tar le ungu ngirɛ̂ məde tə̂ ang, kure əw məde tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar lə Lubba le a, mə-kunn ləde oso njangə baa.

Tar kə̂ Maji kə̂ Jan dda makəturu tə̂ 12:24

Tɔkɔrɔ njaa, m-pa marəse, bbo kandə-ko kə̂ to ble oso nangə̂ ngaâ oy ang a, n̂-nayn to kandə ble kə̂ kâra le njaa. A bbo noy a, nandə banya banya.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 5:19

Jeju təl pa arəde nan: «Tɔkɔrɔ njaa, m-pa marəse: Ngonn asə ta dda nɛ̂n kə dɔɛ̂ baa ang. Nɛ̂n kə̂ noo Bɔɛ̂je dda bba n̂-dda. Nɛ̂n tɔyn kə̂ Bɔ dda a, Ngonn dda tɔ.

Tar kə̂ Maji kə̂ Jan dda makəturu tə̂ 9:33

Bbo dəw nəənn in rɔ Lubba tə̂ ang a, nâ kasə dda nɛ̂n kâra ang.»

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Rɔmɛnje 12:5

Jeje kara n-toje tokə baann tɔ. N-toje tokə banya nya njaa, a n-ddeeje to da-rɔ kə̂ kâra baa ddəw mə-kâra tə̂ kə̂ n-ddaje kə Kristə arə n-ddeeje kâra baa tokə barkəm-rɔ kə̂ kâra baa tɔ.

Rɔmɛnje 6:22

A bbasinɛn, Lubba ɔruse bbərə tə̂ lə majang kə ddang arə ə-ddeeje to bbərəje laa. Nɛ̂n kə̂ goe tə̂ to rɔse kə̂ ə-ngəmje dang mba Lubba ngaa. Tee kɔnyɛ̂ tə̂ a, â kingaje təbbə kə̂ to kə ndɔ kə ndɔ.

Rɔmɛnje 7:4

Ngakɔnʼmje, nɛ̂ɛnn le to ddəw kâra baa mba tar ləse tɔ. Ə-toje tokə dəwje kə̂ oyje arə Ndu ubba singa dɔse tə̂ ang, mba ə-ddeeje kâra baa kə Kristə. Yeenn a, ə-toje to dəwje laa, ne kə̂ noy ngaâ n̂-ndol le. Baann bba ja kasəje ta dda nɛ̂n kə̂ maji kəm Lubba tə̂.

1 Kɔrɛntinyɛje 10:16

Jaw jarəje wooyo Lubba mba əngo-narɛ kə̂ jaw ddaje nɛ̂n mə-kâra. Yeenn to mə-kâra â jaw ddaje ddəw məsə Kristə tə̂ ang wa? Mapa kə̂ jaw tətəje jusaje to mə-kâra â jaw ddaje kə da-rɔ Kristə ang wa?

1 Kɔrɛntinyɛje 12:12

Junnje nɛ̂n-kɔju-marɛ̂. Da-rɔ dəw kâra baa, a barkəm-rɔ dəw â banya. Barkəm-rɔ kə̂ dang dang le mbɔnje naan ngaâ toje kâra baa. Nɛ̂ɛnn to ddəw kâra baa kə Kristə.

1 Kɔrɛntinyɛje 12:27

A sese, ə-toje to da-rɔ Kristə ngaâ sese kâra kâra tɔyn ə-toje to barkəm-rɔɛ̂.

2 Kɔrɛntinyɛje 13:8

Mba jee kə singa ta kutu ddəw karə tar kə̂ tɔkɔrɔ ang. Singa kuman nɛ̂n tar kə̂ tɔkɔrɔ karə aw kə kete kete â jee nɛ̂n.

2 Kɔrɛntinyɛje 9:10

Lubba kə̂ to nje-karə kandə-ko nje-nɛ̂n-dubbu ngaâ aw arɛ̂ nɛ̂n-kusa tɛɛ̂ le, a karəse kandə-ko tɔ. Nâ dda karə kandə-ko le banya ngaâ nâ dda karə nɛ̂n-dda ləse kə̂ gatə gatə banya.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 5:9

Lo-karɛ aw ddee kə nɛ̂nje kə̂ maji dang dang kə̂ to nɛ̂nje kə̂ gatə gatə kə nɛ̂nje kə̂ tɔkɔrɔ.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Pilipinyɛje 4:17

Maw sangə ddəw ta kinga nɛ̂n jise tə̂ ang. Nɛ̂n kə̂ maw sangə to karə Lubba ila nɛ̂n dɔ marə tə̂ arəse.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

1 Piyɛr 2:4

Maji karə ə-ddeeje ngɔsi kə Əbbə-dəwje Jeju. N̂-to ər kə̂ to kəm baa kə̂ dəwje mbətəje, a Lubba mbərə ngaâ oo to nɛ̂n kə̂ ngəng nya kəmɛ̂ tə̂.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!