Tar kə̂ Maji kə̂ Jan dda makəturu tə̂ 15:2 - Dɔnɔn kə̂ Siki: Tar kə̂ aw arə təbbə

² Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Tar kə̂ Maji kə̂ Jan dda makəturu tə̂ 15:2 Iomraidhean Croise

Matiye 13:12

Mba dəw kə̂ nɛ̂n laa to a, dâ kila marɛ̂ dɔɛ̂ tə̂ karɛ̂ karə nɛ̂n-kinga laa banya. A dəw kə̂ nɛ̂n laa goto le, nɛ̂n kə̂ jia tə̂ njaa kara dâ taa kə ddang.

Matiye 13:33

Jeju pa marə gusu-tar arəde bbay nan: «Bbe-kɔn kə̂ darâ to kâra baa kə wum kə̂ dɛnɛ̂n bɔkɔlɔ nɛ̂n nduju kə̂ mə ka tə̂ mota arə ndərəng a, bɔr nduju le tɔyn ti.»

Matiye 15:13

Jeju ilade tə̂ nan: «Kakə tɔyn kə̂ Bɔy kə̂ isi darâ â ula ang, dâ kɔru kə ngirɛ̂ baa.

Matiye 21:19

Noo marə kakə pigə kə̂ ar mbɔr ddəw tə̂ ngɔsi ngaâ naw ngɔsi kə kakə le a, kamɛ̂ dɔrɔ â noo. Yeenn bba, n̂-pa narə kakə le nan: «A kandə ndɔ kâra ang ngaa.» A karɛ̂ tə̂ənn njaa kakə le oy njan.

Matiye 25:29

Mba dəw kə̂ nɛ̂n laa to a, dâ kila marɛ̂ dɔɛ̂ tə̂ karɛ̂ karə nɛ̂n-kinga laa banya. A dəw kə̂ nɛ̂n laa goto, nɛ̂n laa njaa kara dâ taa jia tə̂.

Matiye 3:10

Tinan to ngɔsi ta tuka nɛ̂n kakəje ngirɛ̂ tə̂ mban. Kakə kâra kâra tɔyn kə̂ kandɛ̂ kə̂ maji goto tə̂, dâ tuka kila purô.

Matiye 3:12

Nuwa bagiri laa jia tə̂. Nâ kuta lo kunda ko laa ngaâ nâ jin kandə-ko le kungu mə dam tə̂ laa, a nâ ro tisa kəm puru tə̂ kə̂ a koy ndɔ kâra ang.»

Matiye 7:19

Kakə kə̂ andə kandə kə̂ maji ang a, dâ tuka kila purô.

Marke 4:20

A marɛ̂je taaje tar le tokə kandə-ko kə̂ oso dɔ nangə tə̂ kə̂ maji. Dooje tar le, n̂-taaje tar le ngaâ tar le andə kandə. Marɛ̂je andəje dɔmota, marɛ̂je andəje dɔmisan, a marɛ̂je andəje dɔdɔku.»

Luku 8:13

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Tar kə̂ Maji kə̂ Jan dda makəturu tə̂ 15:1

«Əman, m-to kakə binyə kə̂ tɔkɔrɔ. A Bɔmje to nje-ndɔɔ binyə le.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 15:3

Nɛ̂nje kə̂ m-tɔjuse ddaje arə ə-ddeeje maji tɔyn mban.

Tar kə̂ Maji kə̂ Jan dda makəturu tə̂ 15:6

Bbo dəw nayn rɔm tə̂ ang a, dâ kilɛ̂ ddaka tokə barkəm binyə karə n̂-tutu. Ngaâ, dâ koto kungu purô karə puru ɔn.

Tar kə̂ Maji kə̂ Jan dda makəturu tə̂ 15:8

Nɛ̂n kə̂ a karə piti Bɔmje â nəənn: Maji karə andəje kandə nya ngaâ ə-tɔjuje to ə-toje to njê-njaje gom tə̂.

Tar kə̂ Maji kə̂ Jan dda makəturu tə̂ 17:12

Kar kə̂ m-nayn kə de bbay le, maw ngəmde ddəw singa tə̂ ləi kə̂ arəm. M-ngəmde marə dəw kâra horode tə̂ nayn kɔrɔ̂ ang. Bbayɛ̂ â to ne kə̂ nâ nayn kə kɔrɔ̂ le, yeenn bba karə tar kə̂ Makəturu tə̂ ləi ddee to tar kə̂ tɔkɔrɔ.

Rɔmɛnje 11:17

Ngann Ijarayɛlje toje tokə kakə olibə kə̂ maji kə̂ n̂-dubbu ndɔɔ̂, kə̂ n̂-tuka marə barkəmɛ̂je. A əi, ə-to tokə barkəm olibə kə̂ muû, kə̂ dunn dɔsu turu ye tə̂ kə̂ maji le. Bbasinɛn, nɛ̂nje kə̂ maji kə̂ ngann Ijarayɛlje aw ingaje, əi aw inga tɔ, tokə barkəm kakə kə̂ dɔsu kar marɛ̂ tə̂ aw inga singa ddəw ngira kakə tə̂ le.

Rɔmɛnje 11:22

Maji karə ə-gərə to Lubba to nje-dda maji ddəm nje-gangə sariya kə̂ ngəng ddəm. N̂-gangə sariya kə̂ ngəng dɔ dəwje tə̂ kə̂ mbətəje ta koo məde tə̂ ngaâ n̂-dda səi mə-maji. Bbo ə-nayn ddəw mə-maji tə̂ le ang a, nâ kɔri kə guku tɔ.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

1 Kɔrɛntinyɛje 13:1

Bbo maw pa tar kə ndɔn-tarje kə̂ dəwje aw paje wase anjəje aw paje ngaâ ndiki goto məm tə̂ a, m-to tokə dalɛ kə̂ aw bbar baa wase gan sambe kə̂ daw tunda.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.