Tar kə̂ Maji kə̂ Jan dda makəturu tə̂ 13:34 - Dɔnɔn kə̂ Siki: Tar kə̂ aw arə təbbə

³⁴ Maw munn ndu kə̂ siki marəse: Maji karə ə-ndikije naan. Əsese tɔyn ə-ndikije naan tokə əman m-ndikise.

Tar kə̂ Maji kə̂ Jan dda makəturu tə̂ 13:34 Iomraidhean Croise

Matiye 5:44

A əman, m-pa marəse: Ə-ndikije njê-baanje ləse ngaâ ə-dujuje Lubba mba dəwje kə̂ aw ulaje kəmse ndoo.

Tar kə̂ Maji kə̂ Jan dda makəturu tə̂ 15:17

Nɛ̂n kə̂ m-dujuse, maji karə ə-ndikije naan.»

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Rɔmɛnje 12:10

Nɛ̂n kə̂ ɔju dɔ ndiki naan, maji karə ə-ndikije naan tokə ngakɔn-naan njaa. Maji karə ə-walje naan.

Rɔmɛnje 13:10

Bbo dəw ndiki nje-marɛ̂ mban a, nâ dda saa majang ang ngaa. Yeenn a, ndiki dəw to dda nɛ̂n kə turu Ndu tɔyn.

Rɔmɛnje 13:8

Arəje bbangə lə dəw to dɔse tə̂ ang. Maji karə ndiki kə̂ ta ndiki naan â to dɔse tə̂ to bbangə. Bbo dəw ndiki njê-marɛ̂je a, n̂-to dəw kə̂ dda nɛ̂n kə turu Ndu tɔyn mban.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Galatəje 6:2

Maji karə otoje nɛ̂n-koto kə naan, yeenn â to dda kula kə ndu Kristə.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

1 Tesalonisinyɛje 3:12

Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

Ebərəje 13:1

Maji karə ə-naynje ddəw ndiki naan tə̂ tokə ngakɔn-naan njaa.

Jakə 2:8

Tɔkɔrɔ, bbo ə-ddaje kula kə ndu kə̂ Mbay-dɔ-mbayje unn makəturu tə̂ nan: «Maji karə ə-ndiki nje-mari tokə da-rɔi njaa», a yeenn ə-ddaje nɛ̂n kə̂ maji.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

2 Piyɛr 1:7

ngəm-rɔ mba Lubba le, ilaje ndiki naan tokə ngakɔn-naan njaa dɔɛ̂ tə̂. Ndiki naan tokə ngakɔn-naan le, ilaje ndiki dəwje tɔyn dɔɛ̂ tə̂.

1 Jan 3:11

Tar kə̂ ooje kunn-kute tə̂ njaa nan: Maji karə n-ndikije naan horo naan tə̂.

1 Jan 3:23

A ndu laa kə̂ narəje tokə be: Maji karə jooje məje tə̂ kə ri Ngonnɛ̂ Jeju-Kristə ngaâ n-ndikije naan horo naan tə̂ ddəw kâra baa kə ndu kə Kristə unn arəje le.

1 Jan 4:21

Ndu kə̂ Kristə arəje â nəənn: Maji karə dəw kə̂ ndiki Lubba ndiki ngokɔɛ̂n tɔ.

2 Jan 1:5

Oo, kɔn-baay, nɛ̂n kə̂ m-duji â nəənn: Maji karə n-ndikije naan horo naan tə̂. To ndu kə̂ siki â m-dda makəturu tə̂ mari ang. To ndu kə̂ jingaje kunn-kute tə̂ njaa.