Tar kə̂ Maji kə̂ Jan dda makəturu tə̂ 11:41 - Dɔnɔn kə̂ Siki: Tar kə̂ aw arə təbbə

⁴¹ Yeenn ngaâ dɔru ər le kə ddang. A Jeju unn kəmɛ̂ aa lo kə darâ ngaâ pa nan: «Bɔy, mari wooyo mba ilam tar tə̂ mban.

Tar kə̂ Maji kə̂ Jan dda makəturu tə̂ 11:41 Iomraidhean Croise

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Matiye 11:26

Tɔkɔrɔ Bɔy, mba əi njaa ə-ndiki karə to tokə baann.»

Matiye 27:60

ngaâ nila buwa-yo tə̂ laa ne njaa kə̂ narə duru darɛ̂ tokə siki bbay mə ər tə̂. Goe tə̂ a, n̂-ndubbu marə tɔkə ər nutu nɛ̂n ta buwa-yo le ngaâ nɔtu.

Marke 15:46

Jojɛpə le ndoko tɔkə bəl-kubbu kə̂ nda. Nɔru niinn le dɔ kakə-dəsə tə̂, n̂-kə kə tɔkə bəl le ngaâ nila mə buwa-yo tə̂ kə̂ narə duru mə ər tə̂. Goe tə̂ a, n̂-ndubbu marə ər nutu nɛ̂n ta buwa-yo le.

Luku 10:21

Mə kar tə̂ənn njaa, Ndil-mə-nda arə rɔ-nəəl uta dɔ Jeju ngaâ pa nan: «Mɔsu gajii Bɔy, Əbbə-dəwje, əi kə̂ ɔn dɔ dara ddəm nangə ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ ngaji baa. Tɔkɔrɔ, Bɔy, mba əi njaa ə-ndiki karə to tokə baann.

Luku 18:13

A nje-taa narɛ lambo le ar ddəw əw, naa lo kə̂ darâ ang ddəm ngaâ nunda karɛ̂ nan: ‹Lubba, oo kəm-to-ndoo ləm, əman nje-nɛ̂n-dda kə̂ maji ang.›

Luku 24:2

Dooje a, ər kə̂ dutu nɛ̂n ta buwa-yo le tokə ndubbu kə ddang.

Tar kə̂ Maji kə̂ Jan dda makəturu tə̂ 11:22

A bbasinɛn nəənn njaa kara, m-gərə to nɛ̂n tɔyn kə̂ ə-duju Lubba a, nâ kari.»

Tar kə̂ Maji kə̂ Jan dda makəturu tə̂ 17:1

Go tar tə̂ kə̂ Jeju pa baann le a, aa lo kə darâ ngaâ pa nan: «Bɔy, kar le asə ngaa. Ə-piti Ngonni, arə Ngonni kara pitii tɔ.

Tar kə̂ Maji kə̂ Jan dda makəturu tə̂ 20:1

Ndɔ-kuwa-rɔ tə̂ kə əndɔɔ baa kə̂ lo nayn uja ang bbay a, Mari kə̂ Magədala aw ta buwa-yo tə̂ le. Naa lo a, ər kə̂ dutu nɛ̂n ta buwa-yo le tokə kɔru.

Kulaje 7:55

A ne Etiyɛnn kə̂ Ndil-mə-nda dduse le, kəmɛ̂ to kə darâ. Noo ndoko lə Lubba ngaâ noo Jeju kə̂ ar dɔ ji-kɔl Lubba tə̂.

Pilipinyɛje 4:6

Maji karə əjəje tar mba marə nɛ̂n kâra ang. A mə nɛ̂nje tə̂ tɔyn, ə-dujuje Lubba nɛ̂n kə̂ ə-ndikije. A duju tə̂ kə̂ aw dujeje le arɛ̂je wooyo tɔ.