Tar kə̂ Maji kə̂ Jan dda makəturu tə̂ 11:4 - Dɔnɔn kə̂ Siki: Tar kə̂ aw arə təbbə

⁴ Jeju oo tar le a, pa nan: «Rɔ-to lə Lajar to rɔ-to kə̂ nâ koy nɛ̂n ang. A to nɛ̂n-kɔsu gaji Lubba. Ddəwe tə̂ bba dəwje a kɔsuje gaji Ngonn lə Lubba.»

Tar kə̂ Maji kə̂ Jan dda makəturu tə̂ 11:4 Iomraidhean Croise

Tar kə̂ Maji kə̂ Jan dda makəturu tə̂ 10:38

A bbo maw dda kulaje le, a bbo ə-ndikije tə̂ kə tar ləm ang kara, maji karə kulaje le ə-ndikije tə̂. Yeenn bba a gərəje kə majɛ̂ to, əman kə Bɔ, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 11:40

A Jeju ilɛ̂ tə̂ nan: «M-pa mari kete m-pa nan: Bbo oo məi tə̂ a, â koo piti lə Lubba.»

Tar kə̂ Maji kə̂ Jan dda makəturu tə̂ 12:28

Bɔy, ɔsu gaji rii.» Yeenn ngaâ marə ndu bbar mə dara tə̂ nan: «Mɔsu gaji rim mban ngaâ mâ təl kɔsu bbay.»

Tar kə̂ Maji kə̂ Jan dda makəturu tə̂ 17:1

Go tar tə̂ kə̂ Jeju pa baann le a, aa lo kə darâ ngaâ pa nan: «Bɔy, kar le asə ngaa. Ə-piti Ngonni, arə Ngonni kara pitii tɔ.

Tar kə̂ Maji kə̂ Jan dda makəturu tə̂ 17:10

Nɛ̂nje ləm tɔyn toje to ləi ngaâ nɛ̂nje ləi tɔyn toje to ləm. Minga piti ddəw nɛ̂nje tə̂ənn le.

Tar kə̂ Maji kə̂ Jan dda makəturu tə̂ 17:5

Bbasinɛn nəənn, Bɔy, ə-pitim lo tə̂ kə̂ ee tə̂ kə piti kə̂ aw pitim nɛ̂n mbɔri tə̂ kete bba duninya to le.

Tar kə̂ Maji kə̂ Jan dda makəturu tə̂ 2:11

Dɔngɔr nɛ̂n-mɔri kə̂ Jeju dda â nəənn. N̂-dda nɛ̂ɛnn le Kana, nangə tə̂ kə̂ Galile, n̂-tɔju nɛ̂n piti laa kə ddaka ngaâ njê-njaje goe tə̂ ooje məde tə̂ saa.

Tar kə̂ Maji kə̂ Jan dda makəturu tə̂ 5:23

Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.

Tar kə̂ Maji kə̂ Jan dda makəturu tə̂ 8:54

Jeju ilade tə̂ nan: «Bbo əman njaa maw piti rɔm a, piti rɔ ləm a to nɛ̂n kâra ang. Bɔmje â aw pitim, ne kə̂ ə-paje nan n̂-to Lubba ləse le.

Tar kə̂ Maji kə̂ Jan dda makəturu tə̂ 9:24

Yeenn ngaâ Parijinyɛje le təl bbarje nje-kəm-tɔ kə̂ təl oo lo le ngaâ paje arɛ̂je nan: «Ɔsu gaji Lubba. Jeje, n-gərə to dəw kə̂ dda arə oo lo le to nje-nɛ̂n-dda kə̂ maji ang.»

Tar kə̂ Maji kə̂ Jan dda makəturu tə̂ 9:3

Jeju ilade tə̂ nan: «Duje to nje-kəm-tɔ mba majang laa njaa ang ddəm mba majang lə njê-kujeje ang ddəm. A nɛ̂ɛnn to bba karə dəwje ooje kula kə̂ Lubba a ta dda rɔɛ̂ tə̂.

Rɔmɛnje 11:11

M-nduju ta gərə: Koso kə̂ dosoje le dâ kinje ang nyɔm wa? Baann ang! Mbal dɔ majang kə̂ n̂-ddaje â dəwje kə̂ gəlde toje to Jiipije ang ingaje nɛ̂n kaji. Lubba dda baann karə mə dda ngann Ijarayɛlje.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

1 Piyɛr 4:14

Bbo dəwje tajise mba nja kə̂ aw njaje go Kristə tə̂ a, maji arəse, mba Ndil lə Lubba kə̂ to Ndil piti to dɔse tə̂.