Tar kə̂ Maji kə̂ Jan dda makəturu tə̂ 10:6 - Dɔnɔn kə̂ Siki: Tar kə̂ aw arə təbbə

⁶ Jeju pa gusu-tar nəənn, a dəwje kə̂ aw ooje tar laa le gərəje nɛ̂n kə̂ naw pa le ang.

Tar kə̂ Maji kə̂ Jan dda makəturu tə̂ 10:6 Iomraidhean Croise

Matiye 13:34

Gusu-tarje â Jeju aw pa nɛ̂n tarje nəənn tɔyn arə dəwje kə̂ banya le. Marə tar kâra kə̂ n̂-pa narəde kə gusu-tar ang goto.

Matiye 13:51

Jeju duju njê-njaje goe tə̂ nan: «Ə-gərəje kandə tarje nəənn tɔyn njaa wa?» Dilɛ̂je tə̂ nan: «N-gərə njaa.»

Marke 4:34

Marə tar kâra kə̂ n̂-pa narəde kə gusu-tar ang goto. A bbo ne kə njê-njaje goe tə̂ disije kə karəde baa a, nɔru gəl nɛ̂nje tɔyn narəde.

Tar kə̂ Maji kə̂ Jan dda makəturu tə̂ 16:25

«Gusu-tar â m-pa nɛ̂n tarje nəənn le tɔyn marəse. A tee marə kar tə̂ a, mâ pa tar karəse ddəw gusu-tar tə̂ ang ngaa. Mâ pa tar dɔ Bɔy tə̂ kə ddaka karəse.

Tar kə̂ Maji kə̂ Jan dda makəturu tə̂ 16:29

Njê-njaje go Jeju tə̂ le paje arɛ̂je nan: «Bbasinɛn aw pa tar kə ddaka arə ujaje ngaa, bbo ə-pa kə gusu-tar ang.

Tar kə̂ Maji kə̂ Jan dda makəturu tə̂ 6:52

Yeenn ngaâ Jiipije aw maynje naan tar kə singa singa nan: «Dingaw nəənn a karəje taal-rɔɛ̂ karə jusa tokə baânn wa?»

Tar kə̂ Maji kə̂ Jan dda makəturu tə̂ 6:60

Dooje tarje lə Jeju le a, nya lə njê-njaje goe tə̂ paje nan: «Tar nəənn ngəng nya. Nân a kasə ta ndiki tə̂ saa wa?»

Tar kə̂ Maji kə̂ Jan dda makəturu tə̂ 7:36

N̂-pa narəje nan: ‹A sangəmje, a â kingamje ang, mba asəje ta kaw lo tə̂ kə̂ maw maw tə̂ ang. Nâ ta pa nan ddi â nəənn wa?› »

Tar kə̂ Maji kə̂ Jan dda makəturu tə̂ 8:27

N̂-gərəje to tar lə Bɔ â Jeju aw pa arəde ang.

Tar kə̂ Maji kə̂ Jan dda makəturu tə̂ 8:43

Ə-gərəje kandə tar kə̂ maw pa marəse nəənn ang mba ddi wa? Mba asəje ta koo tar ləm ang.

1 Kɔrɛntinyɛje 2:14

Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.

2 Piyɛr 2:22

Nɛ̂n kə̂ tɔkɔrɔ kə̂ kɔn-tar pa nəənn â ingade. Kɔn-tar le nan: «Bisi kə̂ tɔmɔn a, təl ay tɔmɔn laa le» ngaâ «Bərə kə̂ n̂-toke bbasinɛn nəənn njaa a, təl ula rɔɛ̂ bərə tə̂.»

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.