Tar kə̂ Maji kə̂ Jan dda makəturu tə̂ 10:25 - Dɔnɔn kə̂ Siki: Tar kə̂ aw arə təbbə

²⁵ Jeju ilade tə̂ nan: «M-pa marəse mban, a ə-ndikije tə̂ kə tar ləm le ang. Nɛ̂nje kə̂ maw dda kə ri Bɔmje ɔruje naji ləm.

Tar kə̂ Maji kə̂ Jan dda makəturu tə̂ 10:25 Iomraidhean Croise

Tar kə̂ Maji kə̂ Jan dda makəturu tə̂ 10:32

Jeju pa arəde nan: «M-dda nɛ̂nje kə̂ maji nya kə̂ inje rɔ Bɔmje tə̂ marə ooje. A horo nɛ̂nje tə̂ənn, ye kə̂ dda bba ə-ndikije ta tilam kə ər tɔləm mbɛɛ̂ wa?»

Tar kə̂ Maji kə̂ Jan dda makəturu tə̂ 10:37

Bbo m-dda kulaje lə Bɔmje ang a, maji karə ə-ndikije tə̂ kə tar ləm ang.

Tar kə̂ Maji kə̂ Jan dda makəturu tə̂ 10:38

A bbo maw dda kulaje le, a bbo ə-ndikije tə̂ kə tar ləm ang kara, maji karə kulaje le ə-ndikije tə̂. Yeenn bba a gərəje kə majɛ̂ to, əman kə Bɔ, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 11:47

Yeenn ngaâ mbayje lə njê-poloje Lubba kə Parijinyɛje bbarje kəsə njê-gangəje sariya ləde ngaâ paje nan: «Ddi â ja ddaje wa? Dingaw nəənn dda nɛ̂n-mɔrije nya.

Tar kə̂ Maji kə̂ Jan dda makəturu tə̂ 12:37

Jeju dda nɛ̂n-mɔrije nya njaa kəm dəwje tə̂ le, a dooje məde tə̂ saa ang.

Tar kə̂ Maji kə̂ Jan dda makəturu tə̂ 14:11

Bbo m-pa nan, mee mə Bɔ tə̂ ngaâ Bɔ ee məm tə̂ a, maji karə ooje məse tə̂ kə tar ləm. Bbo ooje məse tə̂ səm ang kara ooje məse tə̂ mba nɛ̂nje kə̂ maw dda.

Tar kə̂ Maji kə̂ Jan dda makəturu tə̂ 20:30

Jeju dda marə nɛ̂n-mɔrije nya bbay kəm njê-njaje goe tə̂ kə̂ n̂-dda tarɛ̂ makəturu tə̂ nəənn ang.

Tar kə̂ Maji kə̂ Jan dda makəturu tə̂ 3:2

N̂-ddee ninga Jeju til tə̂ ngaâ n̂-pa nan: «Nje-nɛ̂n-tɔju, n-gərə to Lubba ulai ta karə ə-tɔjuje nɛ̂n. Dəw kə̂ Lubba ee saa ang a kasə ta dda nɛ̂n-mɔrije kə̂ aw dda nəənn ang.»

Tar kə̂ Maji kə̂ Jan dda makəturu tə̂ 7:31

A horo dəwje tə̂ kə̂ banya le, dəwje nya ooje məde tə̂ saa. N̂-paje nan: «Ndɔ kə̂ Mesi le ddee a, nâ dda nɛ̂n-mɔrije uta lə dingaw nəənn wa?»

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Tar kə̂ Maji kə̂ Jan dda makəturu tə̂ 8:24

Mba yeenn bba, m-pa marəse m-pa nan, a koyje mə majangje tə̂ ləse. Mba, Əman, ‹M-to›, â bbo ooje nɛ̂n məse tə̂ ang a, â koyje mə majangje tə̂ ləse.»

Tar kə̂ Maji kə̂ Jan dda makəturu tə̂ 8:56

Bɔsese Abaraham əjə ndɔ kə̂ mâ ddee nɛ̂n a, dda rɔ-nəəl nya. Noo ndɔ le arə rɔɛ̂ nəəle nya.»

Tar kə̂ Maji kə̂ Jan dda makəturu tə̂ 8:58

Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 2:22

«Ngann Ijarayɛlje, maji karə ooje tar kə̂ mâ ta pa karəse nəənn. Jeju kə̂ Najarɛtə le to dəw kə̂ Lubba tɔjuse to ne â nulɛ̂ narəse. Yeenn bba Lubba arə n̂-dda nɛ̂n-mɔrije, nɛ̂nje kə̂ dum dɔ koo kə nɛ̂n-kɔbbuje dang dang horose tə̂. Ə-gərəje nɛ̂njeenn kə majɛ̂.

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.