Tar kə̂ Maji kə̂ Jan dda makəturu tə̂ 1:51 - Dɔnɔn kə̂ Siki: Tar kə̂ aw arə təbbə

⁵¹ Jeju təl pa bbay nan: «Tɔkɔrɔ m-pa marəse, a kooje dara kə̂ təəyn ngaâ anjəje lə Lubba a kinje dɔ Ngonn lə dəw tə̂ kaw kə taar ddəm ddisi kə dɔɛ̂ tə̂ ddəm.»

Tar kə̂ Maji kə̂ Jan dda makəturu tə̂ 1:51 Iomraidhean Croise

Matiye 25:31

«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.

Matiye 26:24

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Matiye 3:16

Jeju inga batɛm ngaâ in maânn tee a, karɛ̂ tə̂ənn njaa ta dara təəyn. Noo Ndil lə Lubba kə̂ ddisi tokə lə dər ddee isi dɔɛ̂ tə̂.

Matiye 4:11

Yeenn ngaâ Əsu le ɔtu inyɛ̂ ngaâ anjəje ddeeje rɔɛ̂ tə̂ ddee arɛ̂je nɛ̂n-kusa.

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Matiye 9:6

M-ndiki karə ə-gərəje, Ngonn lə dəw ee kə singa ta kɔru tar majang dɔ dəwje tə̂ kə̂ nangə̂ nəənn.» Yeenn ngaâ n̂-pa narə dəw kə̂ rɔɛ̂ oy le nan: «In tar, unn tuwa ləi bbo aw bbeê.»

Marke 1:10

A kar tə̂ kə̂ Jeju in mə maann tə̂ le aw tee kə ddaka a, oo ta dara kə̂ təəyn ngaâ Ndil aw ddisi kə dɔɛ̂ tə̂ tokə lə dər.

Marke 14:62

Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»

Luku 2:13

Kəm naan tə̂ nəənn njaa anjəje kə̂ toje to njê-ddɔje kə̂ darâ tokə banya teeje ingaje anjə le, dɔsuje gaji Lubba, n̂-paje nan:

Luku 2:9

Anjə lə Əbbə-dəwje tee ingade ngaâ ndoko lə Əbbə-dəwje uru dɔde tə̂. Bbəəl uta dɔde.

Luku 22:43

Karɛ̂ tə̂ənn njaa marə anjə tee ingɛ̂ mba karɛ̂ singa.

Luku 22:69

A kunn-kute bbasinɛn, Ngonn lə dəw a kisi dɔ ji-kɔl Lubba tə̂ kə̂ to nje-singa-mɔngu.»

Luku 24:4

Dəjəje nɛ̂n kə̂ dooje le pin. A ta koo a, dingawje joo kə̂ ulaje kubbu kə̂ ndɔnrɛn undaje lo tee ingajede.

Luku 3:21

Kete bba karə duwa Jan le, Jan dda batɛm dəwje ngaâ n̂-dda Jeju batɛm tɔ. Kar kə̂ Jeju aw duju Lubba a, dara təəyn,

Tar kə̂ Maji kə̂ Jan dda makəturu tə̂ 1:50

Jeju ilɛ̂ tə̂ nan: «Mba pa kə̂ m-pa mari nan mooi kɔ kakə pigə tə̂ le bba oo məi tə̂ wa? A koo tɔkə nɛ̂nje kə̂ a kuta yeenn bbay.»

Tar kə̂ Maji kə̂ Jan dda makəturu tə̂ 10:1

Jeju pa nan: «Tɔkɔrɔ njaa m-pa marəse, dəw kə̂ andə kə ta-ddəw dɔ batəje tə̂ ang, a aal dɔ singa lo tə̂ kə̂ dang bba andə nɛ̂n, to nje-bboko ddəm nje-taa nɛ̂n lə dəwje kə singa ddəm.

Tar kə̂ Maji kə̂ Jan dda makəturu tə̂ 10:7

Jeju təl pa bbay nan: «Tɔkɔrɔ njaa, m-pa marəse: M-to ta-ddəw singa lə batəje.

Tar kə̂ Maji kə̂ Jan dda makəturu tə̂ 13:16

Tɔkɔrɔ m-pa marəse, dəw kə̂ to bbərə ngəng uta əbbeeje ang ddəm nje-kaw-kula ngəng uta dəw kə̂ ulɛ̂ ang ddəm.

Tar kə̂ Maji kə̂ Jan dda makəturu tə̂ 13:38

Jeju ilɛ̂ tə̂ nan: «Ə-to ngɔsi ta kila rɔi kɔrɔ̂ mbam wa? Tɔkɔrɔ njaa m-pa mari, kete bba karə kuran nɔn, â mayn gɔl mota pa nan ə-gərəm ang.»

Tar kə̂ Maji kə̂ Jan dda makəturu tə̂ 14:12

«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂.

Tar kə̂ Maji kə̂ Jan dda makəturu tə̂ 16:20

Tɔkɔrɔ njaa m-pa marəse, â nɔnje ddəm â kəmje rɔse ddəm a rɔ dəwje kə̂ duninya tə̂ a nəəlde. Kəmse a to ndoo, a kəm-to-ndoo ləse le a təl to rɔ-nəəl.

Tar kə̂ Maji kə̂ Jan dda makəturu tə̂ 16:23

«Dɔ ndɔɛ̂ tə̂ənn le, â dujumje tar dɔ marə nɛ̂n tə̂ kâra ang ngaa. Tɔkɔrɔ m-pa marəse, nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 21:18

Tɔkɔrɔ njaa m-pa mari, kar kə̂ ə-nayn ngonn le, əi njaa uwa kubbu ləi kə əndaar ngaâ aw aw lo tə̂ kə̂ məi ndiki. A kar kə̂ ə-bbuka a, â kula jii ngaâ dəw kə̂ dang â, a kuwa kubbu ləi kə əndaar ngaâ lo kə̂ məi ndiki ang â, nâ kaw səi kə tə̂.»

Tar kə̂ Maji kə̂ Jan dda makəturu tə̂ 3:3

Jeju ilɛ̂ tə̂ nan: «Tɔkɔrɔ m-pa mari, dəw kə̂ n̂-təl duje tokə siki ang a, a kasə koo Bbe-kɔn lə Lubba ang.»

Tar kə̂ Maji kə̂ Jan dda makəturu tə̂ 3:5

Jeju ilɛ̂ tə̂ nan: «Tɔkɔrɔ m-pa mari, dəw kə̂ maann kə Ndil â uje ang, a kasə kandə mə Bbe-kɔn tə̂ lə Lubba ang.

Tar kə̂ Maji kə̂ Jan dda makəturu tə̂ 5:19

Jeju təl pa arəde nan: «Tɔkɔrɔ njaa, m-pa marəse: Ngonn asə ta dda nɛ̂n kə dɔɛ̂ baa ang. Nɛ̂n kə̂ noo Bɔɛ̂je dda bba n̂-dda. Nɛ̂n tɔyn kə̂ Bɔ dda a, Ngonn dda tɔ.

Tar kə̂ Maji kə̂ Jan dda makəturu tə̂ 5:27

Ngaâ narə Ngonnɛ̂ singa kə̂ ta gangə nɛ̂n sariya, mba n̂-to Ngonn lə dəw.

Tar kə̂ Maji kə̂ Jan dda makəturu tə̂ 6:26

Jeju ilade tə̂ nan: «Tɔkɔrɔ njaa, m-pa marəse, aw sangəmje mba mapa kə̂ usaje arəje məse ndann, bbo aw sangəmje mba nɛ̂n-mɔrije kə̂ ooje le ang.

Tar kə̂ Maji kə̂ Jan dda makəturu tə̂ 6:32

Jeju ilade tə̂ nan: «Tɔkɔrɔ, m-pa marəse: To Mɔyijə â arəse mapa kə̂ darâ ang. To Bɔmje â aw arəse mapa kə̂ tɔkɔrɔ kə̂ darâ.

Tar kə̂ Maji kə̂ Jan dda makəturu tə̂ 6:47

«Tɔkɔrɔ njaa, m-pa marəse, dəw kə̂ unn məɛ̂, ee kə təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 6:53

Jeju pa arəde nan: «Tɔkɔrɔ njaa, m-pa marəse: Bbo usaje da-rɔ Ngonn lə dəw ang ngaâ ayje məse ang a, â kisije kə təbbə ang.

Tar kə̂ Maji kə̂ Jan dda makəturu tə̂ 8:34

Jeju ilade tə̂ nan: «Tɔkɔrɔ, m-pa marəse, dəwje kə̂ naynje mə nɛ̂n-dda tə̂ kə̂ maji ang toje to bbərəje lə nɛ̂n-dda kə̂ maji ang le.

Tar kə̂ Maji kə̂ Jan dda makəturu tə̂ 8:51

Tɔkɔrɔ m-pa marəse, bbo dəw ngəm tar ləm a, nâ koy ndɔ kâra ang.»

Tar kə̂ Maji kə̂ Jan dda makəturu tə̂ 8:58

Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

Kulaje 10:11

Noo kəm dara təəyn ngaâ noo marə nɛ̂n in mə dara tə̂ le aw ddisi. Nɛ̂n le to tokə lə bəl-kubbu kə̂ tatə kə̂ duwa tɛɛ̂ kə̂ sɔ. Nɛ̂n le aw ddisi kə nangə̂.

Kulaje 7:56

N̂-pa nan: «Ooje, maw moo dara kə̂ təəyn kə Ngonn lə dəw kə̂ ar taar dɔ ji-kɔl Lubba tə̂.»

2 Tesalonisinyɛje 1:7

Ngaâ karə n̂-dda narə sese kə̂ aw ooje ndoo le kara, uwaje rɔse kə je, kar tə̂ kə̂ Əbbə-dəwje Jeju a kunda lo tee ngaâ a kin darâ ddee kə anjəje laa kə̂ toje to njê-singa-mɔnguje le.

2 Tesalonisinyɛje 1:9

Sariya ləde a to tuju kə̂ dâ kubbaje kə ndɔ kə ndɔ. Dâ kisije ddəw əw kə Əbbə-dəwje ddəm ddəw əw kə singa-mɔngu laa kə̂ to nɛ̂n-piti ddəm.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Judə 1:14

Enɔkə kə̂ to kajeje kə̂ to siri laa go kajeje Adam tə̂, ila mbər tar dɔde tə̂ nan: «Ooje, Əbbə-dəwje kə anjəje laa doro doro dâ ddeeje,

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.

Apokalisi 4:1

Goe tə̂ a, moo ta-kəy kə̂ tokə kɔru mə dara tə̂. Ndu kə̂ pa səm tar kete ngaâ bbar tokə lə təbbə le, pa nan: «Aal kə nəənn, mâ tɔji nɛ̂n kə̂ a ddee goe tə̂.»