Tar kə̂ Maji kə̂ Jan dda makəturu tə̂ 1:45 - Dɔnɔn kə̂ Siki: Tar kə̂ aw arə təbbə

⁴⁵ Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 1:45 Iomraidhean Croise

Matiye 10:3

Pilipi de kə Bartelemi, Toma de kə Matiye kə̂ to nje-taa narɛ lambo, Jakə ngonn lə Alpe kə Tade.

Matiye 13:55

Ngonn lə nje-dda kula kakə le â nəənn ang wa? Kɔɛ̂nje â to Mari ngaâ ngakɔɛ̂nje â toje to Jakə, Jojɛpə, Simɔn kə Judə ang wa?

Matiye 2:23

Naw ngaâ n̂-dda bbe kə̂ Najarɛtə. Yeenn bba karə tar kə̂ njê-kilaje mbər tar lə Lubba paje le ddee to tar kə̂ tɔkɔrɔ. Tar le nan: «Dâ bbarɛ̂ to dəw kə̂ Najarɛtə.»

Matiye 21:11

Dəwje kə̂ banya le ilaje tə̂ nan: «Jeju kə̂ to nje-kila mbər tar lə Lubba â nəənn, nin Najarɛtə, nangə Galile tə̂.»

Marke 14:67

Noo Piyɛr kə̂ aw ndibbi puru le a, naa kəmɛ̂ ngaâ n̂-pa nan: «Əi kara ə-nja kə Jeju kə̂ to dəw kə̂ Najarɛtə le tɔ.»

Marke 6:3

Nje-dda kula kakə le â nəənn ang wa? N̂-to ngonn lə Mari ang wa? Ngakɔɛ̂nje â toje to Jakə kə Joje kə Judə kə Simɔn ang wa? Ngakɔn-nannɛ̂ â isije kə̂ je nəənn ang wa?» Nɛ̂ɛnn le dda arə n̂-mbətəje ta kunn məde karɛ̂.

Luku 18:37

N̂-pa darɛ̂ nan Jeju kə̂ Najarɛtə â aw nday.

Luku 2:4

Jojɛpə kara in bbe tə̂ kə̂ ria nan Najarɛtə, nangə tə̂ kə̂ Galile, aw bbe tə̂ kə̂ ria nan Betelehɛm, nangə tə̂ kə̂ Jude. Betelehɛm le to bbe lə Dabbiti. Naw nu mba gəle in mə nuju tə̂ lə Dabbiti.

Luku 2:48

Kɔɛ̂nje de kə bɔɛ̂je dundaje kəmde dooeje a, darje baa nding. Kɔɛ̂nje duje nan: «Ngonnəm, mba ddi njaa bba ə-dda kə je nɛ̂n tokə be wa? Oo, əman ddəm bɔije ddəm jaw sangi kə kəjə-tar.»

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Luku 3:23

Bbal Jeju asə nɛ̂n kə̂ bbal dɔmota a, unn kutu kula laa. Dəwje əjəje nan n̂-to ngonn lə Jojɛpə kə̂ to ngonn lə Eli,

Luku 4:22

Dəwje tɔyn paje tar laa maji ngaâ tar mə-maji tɔyn kə̂ aw tee tɛɛ̂ tə̂ le dum dɔde ngaâ n̂-paje nan: «Ngonn nəənn to ngonn lə Jojɛpə ang wa?»

Tar kə̂ Maji kə̂ Jan dda makəturu tə̂ 1:44

Pilipi to dəw kə̂ Betesayida kə̂ to bbe lə Andere de kə Piyɛr.

Tar kə̂ Maji kə̂ Jan dda makəturu tə̂ 12:21

N̂-ddeeje ngɔsi kə Pilipi dəw kə̂ Betesayida nangə tə̂ kə̂ Galile ngaâ n̂-dujeje nan: «Əbbəjeje, n-ndiki ta koo Jeju.»

Tar kə̂ Maji kə̂ Jan dda makəturu tə̂ 14:8

Pilipi pa arə Jeju nan: «Əbbə-dəwje, ə-tɔjuje Bɔ le, a yeenn njaa asə.»

Tar kə̂ Maji kə̂ Jan dda makəturu tə̂ 18:5

Dilɛ̂je tə̂ nan: «Jeju kə̂ Najarɛtə.» Jeju le pa arəde nan: «Əman â nəənn.» Judas nje-kunn-dɔɛ̂ le ee kə de lo tə̂ənn.

Tar kə̂ Maji kə̂ Jan dda makəturu tə̂ 18:7

Jeju təl dujude bbay nan: «Nân bba aw sangɛ̂je wa?» Dilɛ̂je tə̂ nan: «Jeju kə̂ Najarɛtə.»

Tar kə̂ Maji kə̂ Jan dda makəturu tə̂ 19:19

Pilatə arə n̂-dda makəturu n̂-bbərə dɔ kakə-dəsə tə̂ le taar nan: «Jeju kə̂ Najarɛtə, tɔkə mbay lə Jiipije.»

Tar kə̂ Maji kə̂ Jan dda makəturu tə̂ 21:2

Simɔn Piyɛr kə Toma kə̂ daw bbarɛ̂ nan Ndunga, Natanayɛl dəw kə̂ Kana, nangə tə̂ kə̂ Galile, ngann lə Jebede kə marə njê-njaje go Jeju tə̂ joo, dede tɔyn disije dɔ naan tə̂.

Tar kə̂ Maji kə̂ Jan dda makəturu tə̂ 6:42

Ngaâ n̂-paje nan: «Dəw nəənn to Jeju ngonn lə Jojɛpə ang wa? N-gərə bɔɛ̂je kə kɔɛ̂nje ang wa? A nâ pa nan nin darâ bba n̂-ddee tokə baânn wa?»

Tar kə̂ Maji kə̂ Jan dda makəturu tə̂ 6:5

Jeju aa lo a, oo dəwje kə̂ banya kə̂ aw ddeeje kə rɔɛ̂ tə̂. Ngaâ n̂-duju Pilipi nan: «Lo kə̂ dda bba ja ndoko mapa tə̂ karə dəwje nəənn usaje wa?»

Tar kə̂ Maji kə̂ Jan dda makəturu tə̂ 6:7

Pilipi le ilɛ̂ tə̂ nan: «Bbo n-ndoko mapa kandə narɛ kɔr joo (200) njaa kara, a kasə karə dəw kâra kâra inga ngaji ngaji ang.»

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 2:22

«Ngann Ijarayɛlje, maji karə ooje tar kə̂ mâ ta pa karəse nəənn. Jeju kə̂ Najarɛtə le to dəw kə̂ Lubba tɔjuse to ne â nulɛ̂ narəse. Yeenn bba Lubba arə n̂-dda nɛ̂n-mɔrije, nɛ̂nje kə̂ dum dɔ koo kə nɛ̂n-kɔbbuje dang dang horose tə̂. Ə-gərəje nɛ̂njeenn kə majɛ̂.

Kulaje 22:8

Milɛ̂ tə̂ m-pa nan: ‹Əbbəmje, əi nân wa?› Ndu le pa nan: ‹Əman Jeju kə̂ Najarɛtə â aw dda səm singa nəənn.›

Kulaje 26:9

«Əman kara məjə m-pa nan to maji karə m-dda singa nya mba koo ri Jeju kə̂ Najarɛtə nəənn kə mbim ang.

Kulaje 3:6

A Piyɛr pa arɛ̂ nan: «Andə wase narɛ to rɔm tə̂ ta kari ang. A nɛ̂n kə̂ to rɔm tə̂ â nəənn â mari: Kə ri Jeju-Kristə kə̂ Najarɛtə, in taar ə-nja!»