Tar kə̂ Maji kə̂ Jan dda makəturu tə̂ 1:34 - Dɔnɔn kə̂ Siki: Tar kə̂ aw arə təbbə

³⁴ Əman njaa moo nɛ̂njeenn le ngaâ m-pa tar-naji nəənn m-pa nan: Dəw nəənn to Ngonn lə Lubba.»

Tar kə̂ Maji kə̂ Jan dda makəturu tə̂ 1:34 Iomraidhean Croise

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 26:63

A Jeju pa tar ang. Yeenn ngaâ tɔkə nje-polo Lubba pa arɛ̂ nan: «M-duji kə ri Lubba kə̂ nje-kisi kəm baa karə ila tar tə̂ nəənn: Ə-to Kristə, Ngonn lə Lubba wa?»

Matiye 27:40

N̂-paje darɛ̂je nan: «Əi kə̂ ə-ndiki ta tɔ kəy-polo Lubba ta təl dda marɛ̂ ture tə̂ mə ndɔ mota tə̂ le, bbo ə-to Ngonn lə Lubba a, aji rɔi əi njaa bbo in kakə-dəsə tə̂ le uru nangə̂!»

Matiye 27:43

Nunda məɛ̂ dɔ Lubba tə̂ ngaâ n̂-pa nan n̂-to Ngonn lə Lubba. Bbo Lubba ndike a, maji karə najɛ̂ bbasinɛn nəənn.»

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Matiye 4:6

ngaâ n̂-pa narɛ̂ nan: «Bbo ə-to Ngonn lə Lubba a, aal dɔ kəy tə̂ nəənn uru nangə̂, mba Makəturu lə Lubba pa nan: ‹Lubba a kunn ndu karə anjəje laa mbai, ngaâ dâ lai to la, karə gɔli dar ər ang.› »

Matiye 8:29

Duruje əkii nan: «Ngonn lə Lubba, ddi â osoi tə̂ wa? Ə-ddee ta kula kəmje ndoo tə̂ kete bba karə ndɔɛ̂ kə̂ Lubba ɔju le asə wa?»

Marke 1:1

Kunn-kutu Tar kə̂ Maji kə̂ dɔ Jeju-Kristə Ngonn lə Lubba tə̂ â nəənn.

Marke 1:11

Marə ndu bbar mə dara tə̂ nan: «Ə-to ngonnəm kə̂ m-ndikii nya. Əi â minga rɔ-nəəl mbai.»

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Luku 3:22

ngaâ Ndil-mə-nda unn da-rɔ tokə lə dər ddisi dɔɛ̂ tə̂. Marə ndu in darâ nan: «Ə-to Ngonn ndiki ləm! Rɔm nəələm nya mbai.»

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 10:36

A əman kə̂ Bɔ undam dang ngaâ ulam dɔ nangə tə̂, m-pa nan m-to Ngonn lə Lubba a, mba ddi bba ə-paje nan maw tuju ri Lubba wa?

Tar kə̂ Maji kə̂ Jan dda makəturu tə̂ 11:27

Martə ilɛ̂ tə̂ nan: «Baann njaa, Əbbə-dəwje, moo məm tə̂ to ə-to Mesi, Ngonn lə Lubba, ne kə̂ n̂-ddee dɔ nangə tə̂ le.»

Tar kə̂ Maji kə̂ Jan dda makəturu tə̂ 19:7

Jiipije ilɛ̂je tə̂ nan: «Marə ndu ləje to. Ddəw ndu tə̂ənn le nasə yo, mba n̂-pa nan n̂-to Ngonn lə Lubba.»

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 6:69

Ngaâ, jeje joo məje tə̂. N-gərə to əi, ə-to dəw kə̂ maji tɔyn kə̂ Lubba â ulai.»

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

Ebərəje 7:3

Dəw gərə bɔɛ̂je ang ddəm kɔɛ̂nje ang ddəm gəle ang ddəm. Dəw gərə ndɔ kuje ang ddəm ndɔ yo laa ang ddəm. N̂-to tokə Ngonn lə Lubba, mba n̂-nayn to nje-polo Lubba kə ndɔ tɔyn.

1 Jan 2:23

Dəw kə̂ mbətə Ngonn, mbətə Bɔ tɔ. Dəw kə̂ taa Ngonn kə rɔɛ̂ tə̂, taa Bɔ kə rɔɛ̂ tə̂ tɔ.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

1 Jan 4:9

Ooje ddəw kə̂ Lubba tɔju nɛ̂n ndiki laa kə ddaka horoje tə̂: Lubba ula Ngonn-kâra laa dɔ nangə tə̂ mba karə jisije kəm baa ddəw tə̂ laa.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.

Apokalisi 2:18

«Ə-dda makəturu ula nɛ̂n arə anjə kə̂ Egilisi tə̂ kə̂ Tiyatir: «Tar kə̂ Ngonn lə Lubba, ne kə̂ kəmɛ̂ aw ndoko tokə lə puru ngaâ gɔlɛ̂ ndɔnrɛn tokə lə andə-narɛ pa â nəənn: