Tar kə̂ Maji kə̂ Jan dda makəturu tə̂ 1:17 - Dɔnɔn kə̂ Siki: Tar kə̂ aw arə təbbə

¹⁷ Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 1:17 Iomraidhean Croise

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 18:37

Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

Tar kə̂ Maji kə̂ Jan dda makəturu tə̂ 5:45

«Əman â mâ kunda tar dɔse tə̂ nɔn Bɔ tə̂ ang. Dəw kə̂ a kunda tar dɔse tə̂ to Mɔyijə kə̂ undaje məse dɔɛ̂ tə̂ le.

Tar kə̂ Maji kə̂ Jan dda makəturu tə̂ 7:19

Mɔyijə â arəse Ndu ang wa? A dəw kâra horose tə̂ aw bbəəl Ndu ang. Yeenn a, mba ddi bba aw sangəje ddəw ta tɔləm wa?»

Tar kə̂ Maji kə̂ Jan dda makəturu tə̂ 8:32

 gərəje tar kə̂ tɔkɔrɔ ngaâ tar kə̂ tɔkɔrɔ le a kɔruse bbərə tə̂.»

Tar kə̂ Maji kə̂ Jan dda makəturu tə̂ 9:29

Jeje, n-gərə to Lubba pa tar kə Mɔyijə. A dəw nəənn, n-gərə lo kə̂ nin tə̂ bba n̂-ddee ang.»

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 7:38

Kar kə̂ dəwje kə̂ Ijarayɛl aw mbɔnje naan mə kɔr tə̂ le Mɔyijə tɔ â ar horo kajejedede tə̂ kə anjə kə̂ aw pa saa tar dɔ ddingiri tə̂ kə̂ Sinayi. Ne â ninga tarje kə̂ aw arə təbbə dəwje mba ndaji karəje.

Rɔmɛnje 6:14

Majang a təl kubba singa dɔse tə̂ ang ngaa. Mba eeje kɔ Ndu tə̂ ang, eeje kɔ mə-maji tə̂ lə Lubba.

2 Kɔrɛntinyɛje 1:20

Ddəw tə̂ lə Jeju le â Lubba pa nan «An än» ta karə nɛ̂n je nɛ̂nje tɔyn kə̂ ne njaa nunn ndue ta karəje le. Ddəw tə̂ laa tɔ a, jeje kara n-pa nan «Amɛnn» jarə Lubba ta kɔsu nɛ̂n gajɛ̂.

Galatəje 3:17

Tar kə̂ m-ndiki ta pa â nəənn: Lubba dda makəturu nɛ̂n-ndubba kə dɔgɔlɛ̂ tokə kete mban. A Ndu lə Mɔyijə kə̂ tee bbal kɔr sɔ gire dɔmota goe tə̂ a kasə tuju makəturu kə̂ Lubba dda le ang. Bbo baann a, ndu Lubba kə̂ unn le a to nɛ̂n kə̂ baa.

Ebərəje 9:22

Ddəw Ndu tə̂ lə Mɔyijə, məsə â aw toko nɛ̂nje nya arə ddee maji. Bbo məsə ungu nangə̂ ang a, tar majang ɔru dɔ dəw tə̂ ang.