Tar kə̂ Maji kə̂ Jan dda makəturu tə̂ 1:14 - Dɔnɔn kə̂ Siki: Tar kə̂ aw arə təbbə

¹⁴ Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:14 Iomraidhean Croise

Matiye 1:16

Jakobbo uju Jojɛpə ngaw lə Marije kə̂ to kɔn Jejuje kə̂ daw bbarɛ̂ to Kristə.

Luku 2:11

Bbokənɛn, duju Nje-kaji-dəwje darəse bbe tə̂ lə Dabbiti, n̂-to Kristə, Əbbə-dəwje.

Luku 2:7

Nuju ngonn-dəre to dingaw. N̂-kiri ngonn le kə kubbu ngaâ nilɛ̂ mə nɛ̂n-kusa-nɛ̂n tə̂ lə daje, mba lo-to goto kəy-to-mbaje tə̂.

Luku 9:32

Bbi tɔl Piyɛr kə njê-marɛ̂je le. A n̂-ndolje a, dooje piti lə Jeju ngaâ dooje dingawje joo kə̂ arje mbɔrɛ̂ tə̂ le.

Tar kə̂ Maji kə̂ Jan dda makəturu tə̂ 1:1

Kunn-kutu nɛ̂n tə̂ njaa, Tar ee tə̂ənn mban. Tar le ee mbɔr Lubba tə̂ ngaâ Tar le to Lubba.

Tar kə̂ Maji kə̂ Jan dda makəturu tə̂ 11:40

A Jeju ilɛ̂ tə̂ nan: «M-pa mari kete m-pa nan: Bbo oo məi tə̂ a, â koo piti lə Lubba.»

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 14:9

Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa?

Tar kə̂ Maji kə̂ Jan dda makəturu tə̂ 17:22

«Ngaâ əman, marə dingaje piti kə̂ arə minga le tɔ bba karə n̂-ddeeje to dəwje kə̂ kâra baa, tokə əman je səi n-to kâra baa le.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 18:37

Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

Tar kə̂ Maji kə̂ Jan dda makəturu tə̂ 2:11

Dɔngɔr nɛ̂n-mɔri kə̂ Jeju dda â nəənn. N̂-dda nɛ̂ɛnn le Kana, nangə tə̂ kə̂ Galile, n̂-tɔju nɛ̂n piti laa kə ddaka ngaâ njê-njaje goe tə̂ ooje məde tə̂ saa.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:18

Dəw kə̂ unn məɛ̂ arə Ngonn le a, sariya to dɔɛ̂ tə̂ ang. A dəw kə̂ unn məɛ̂ arɛ̂ ang, sariya to dɔɛ̂ tə̂ mban, mba noo məɛ̂ tə̂ kə Ngonn-kâra lə Lubba ang.

Tar kə̂ Maji kə̂ Jan dda makəturu tə̂ 6:51

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Tar kə̂ Maji kə̂ Jan dda makəturu tə̂ 8:32

 gərəje tar kə̂ tɔkɔrɔ ngaâ tar kə̂ tɔkɔrɔ le a kɔruse bbərə tə̂.»

Kulaje 13:33

Lubba dda arə ddee to nɛ̂n kə̂ tɔkɔrɔ horoje jee ngannde tə̂, ddəw ndol tə̂ kə̂ narə Jeju kə̂ oy ndol, tokə n̂-dda tarɛ̂ makəturu tə̂ lə Sɔm 2 nan: ‹Ə-to ngonnəm, bbokənɛn marə ə-ddee to ngonnəm ngaa.›

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

1 Kɔrɛntinyɛje 15:47

Lubba dda Adam kə̂ dɔngɔr kə əbaburu nangə. A Adam kə̂ joo laa in darâ bba ddee.

2 Kɔrɛntinyɛje 12:9

A n̂-pa narəm nan: «Mə-maji kə̂ m-dda səi njaa asi. Kar tə̂ kə̂ singa dəw goto bba maw tɔju singa-mɔngu ləm.» Yeenn bba, m-ndiki nya ta kunda gum mba singam kə̂ goto, bba karə singa-mɔngu lə Kristə to dɔm tə̂.

Galatəje 4:4

A tokə karɛ̂ asə a, Lubba ula Ngonnɛ̂, dɛnɛ̂n uje, n̂-ngəmɛ̂ kɔ Ndu tə̂ lə Mɔyijə,

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Kolosinyɛje 1:19

Mba Lubba oo maji ta kisi tɔyn njaa mə ngonnɛ̂ tə̂ ta dduse tɔyn.

Kolosinyɛje 2:3

Lubba iya dam kəm-karɛ kə dam nɛ̂n-gərə rɔ Kristə tə̂.

Kolosinyɛje 2:9

Mba ne Kristə kə̂ nunn da-rɔ dəw le, nɛ̂nje kə̂ to rɔ Lubba tə̂ tɔyn njaa to rɔɛ̂ tə̂.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 1:5

Ta pa nan: «Ə-to Ngonnəm, bbokənɛn marə ə-ddee to ngonnəm ngaa.» Ndɔ kâra Lubba pa tar baann arə marə anjə ang. Ngaâ ta pa nan: «Əman, mâ to bɔɛ̂je, a ne nâ to Ngonnəm.» Ndɔ kâra n̂-pa tar dɔ marə anjə tə̂ baann ang tɔ.

Ebərəje 10:5

Mba yeenn bba, kar tə̂ kə̂ Kristə a ta ddee dɔ nangə tə̂ le, n̂-pa narə Lubba nan: «Ə-ndiki nɛ̂n-polo ang ddəm nɛ̂n-karə-baa ang ddəm a ə-dda arə da-rɔm to.

Ebərəje 2:11

A ne kə̂ naw dda narə dəwje aw ddeeje to dəwje lə Lubba le, ne de kə dəwje lə Lubba le tɔyn njaa bɔdede kâra baa. Mba yeenn bba bbo n̂-bbarde to ngakɔɛ̂n a, to rɔ-kul laa ang.

Ebərəje 5:5

Kristə kara ɔsu gaji rɔɛ̂ to tɔkə nje-polo Lubba ang. Lubba â bbarɛ̂ ngaâ pa nan: «Ə-to Ngonnəm. Bbokənɛn marə ə-ddee to ngonnəm ngaa.»

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

1 Jan 4:9

Ooje ddəw kə̂ Lubba tɔju nɛ̂n ndiki laa kə ddaka horoje tə̂: Lubba ula Ngonn-kâra laa dɔ nangə tə̂ mba karə jisije kəm baa ddəw tə̂ laa.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.

Apokalisi 19:13

Ngaâ nula kubbu kə̂ ngal kə̂ to məsə tɔyn. Ria nan «Tar lə Lubba.»

Apokalisi 21:3

Moo ndu bbar kə singa ngende-mbay tə̂ le nan: «Bbasinɛn, kəy lə Lubba to horo dəwje tə̂ ngaa. Nâ dda bbe kə̂ de ngaâ dâ toje to dəwje laa. Ne Lubba njaa nâ kisi kə de ngaâ nâ to Lubba ləde.