Epɛjinyɛje 6:6 - Dɔnɔn kə̂ Siki: Tar kə̂ aw arə təbbə

⁶ Ə-ddaje kə de baann mba nəəl nɛ̂n kəmde tə̂ ang. A ə-ddaje tokə bbərəje lə Kristə kə̂ unnje rɔde tɔyn ta dda nɛ̂n nɛ̂n kə̂ mə Lubba ndiki.

Epɛjinyɛje 6:6 Iomraidhean Croise

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Marke 3:35

Mba dəw kə̂ dda nɛ̂n kə̂ mə Lubba ndiki â to ngokɔnʼm, to kɔn-nannəm ngaâ to kɔnʼmje.»

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

1 Kɔrɛntinyɛje 7:22

Mba dəw kə̂ to bbərə bba Əbbə-dəwje bbarɛ̂ ddee to dəw lə Əbbə-dəwje kə̂ tee kɔ bbərə tə̂. Ddəw kâra baa, dəw kə̂ to bbərə ang bba Əbbə-dəwje bbarɛ̂ ddee to bbərə lə Kristə.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Epɛjinyɛje 5:17

Yeenn a, maji karə isije to mbəje ang. A maji karə ə-sangəje ta gərə nɛ̂n kə̂ mə Əbbəjeje ndiki karə ə-ddaje.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Kolosinyɛje 1:9

Mba yeenn bba, jeje kara, unn kute ndɔ tə̂ kə̂ joo nɛ̂n tar le, jaw duju Lubba kə ndɔ tɔyn mba tar ləse. Ngaâ jaw duje karə narə ə-gərəje nɛ̂n kə̂ məɛ̂ ndiki narə ddususe, narə ingaje kəm-karɛ kə nɛ̂n-gərə dang dang kə̂ Ndil-mə-nda aw arə dəwje.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 2:4

A Lubba nanje oo bba inya Tar kə̂ Maji laa le mə jije tə̂. Yeenn bba jaw pa tar lə Lubba mba nəəl nɛ̂n kəm dəwje tə̂ ang. Jaw pa mba nəəl nɛ̂n kəm Lubba tə̂ kə̂ aw nan məje.

1 Tesalonisinyɛje 4:3

Nɛ̂n kə̂ Lubba ndiki â to, karə ə-sangəje rɔse mba Lubba, karə ulaje rɔse kaya tə̂ ang.

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

1 Piyɛr 2:15

Mba nɛ̂n kə̂ Lubba ndiki â to karə ə-ddaje maji bba karə dəwje kə̂ dɔde goto ngaâ gərəje nɛ̂n ang, ooje tar ta pa ang.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

1 Jan 2:17

Nangə le aw nday kə bbo nɛ̂nje kə̂ nangə̂ tɔ. A dəw kə̂ dda nɛ̂n kə̂ mə Lubba ndiki a kisi kə ndɔ kə ndɔ.