Epɛjinyɛje 6:12 - Dɔnɔn kə̂ Siki: Tar kə̂ aw arə təbbə

¹² To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Epɛjinyɛje 6:12 Iomraidhean Croise

Matiye 16:17

Jeju pa arɛ̂ nan: «Simɔn ngonn lə Jonas, maji ari, mba dəw â unda tar nəənn tai tə̂ ang, Bɔy kə̂ isi darâ â tɔji nɛ̂n nəənn.

Marke 4:19

a kəjə-tar mba nɛ̂nje kə̂ nangə̂ nəənn, kəm-nda nɛ̂n-kingaje kə bbo nɛ̂nje dang dang kə̂ aw ərə dəw andəje məde tə̂ ngaâ ore tar le kə nangə̂ arə andə ang.

Luku 13:24

«Maji karə ə-ddaje singa andəje kə ta-ddəw kə̂ ngaji. Mba, m-pa marəse: Dəwje nya a sangəje ddəw ta kandə. A dâ kasəje ang.

Luku 22:53

Mee kə se kəy-polo Lubba tə̂ kə ndɔ tɔyn, a dəw uwam ang. A bbasinɛn kar nəənn to ləse ddəm to kar lə singaje kə̂ lo ndul tə̂ karə dɔnje mbay ləde ddəm.»

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Tar kə̂ Maji kə̂ Jan dda makəturu tə̂ 14:30

Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.

Tar kə̂ Maji kə̂ Jan dda makəturu tə̂ 16:11

Nâ tɔjude karə n̂-gərəje nɛ̂n kə̂ ria nan sariya lə Lubba, mba Lubba gangə sariya dɔ nje-kɔn dɔ duninya tə̂ nəənn mban.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Rɔmɛnje 8:38

Tɔkɔrɔ, m-gərə kə majɛ̂ to marə nɛ̂n kə̂ a tinje kə ndiki laa goto. Yo ang ddəm təbbə ang ddəm anjəje ang ddəm marə ndilje kə̂ maji ang kə̂ darâ kə̂ ɔn dɔ dəwje ang ddəm nɛ̂n kə̂ bbokənɛn nəənn ang ddəm nɛ̂n kə̂ mə ndɔje tə̂ kə̂ aw ddee ang ddəm

1 Kɔrɛntinyɛje 15:50

Ngakɔnʼmje, nɛ̂n kə̂ m-ndiki ta pa â nəənn: Da-rɔ dəw a kasə ta kandə mə Bbe-kɔn tə̂ lə Lubba ang. Nɛ̂n kə̂ aw oy a kasə ta nayn kə təbbə kə̂ to kə ndɔ kə ndɔ ang.

2 Kɔrɛntinyɛje 11:14

Yeenn to nɛ̂n kə̂ siki ang. Satan njaa kara dda rɔɛ̂ to anjə kə̂ lo-karɛ tə̂.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Galatəje 1:16

Noo maji kəmɛ̂ tə̂ ta karə m-gərə Ngonnɛ̂ ngaâ karə mila mbər tar laa marə dəwje kə̂ toje to Jiipije ang. Karɛ̂ tə̂ənn le m-duju dəw ndəjə ang ddəm

Epɛjinyɛje 1:21

dɔ ndilje tə̂ tɔyn kə̂ aw ɔnje mbay, dɔ singa-mɔnguje tə̂ tɔyn kə dɔ rije tə̂ tɔyn kə̂ dəwje aw bbar nangə̂ nəənn, ndɔ tə̂ kə̂ bbokənɛn ddəm kə̂ bara ddəm.

Epɛjinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 3:10

Yeenn bba bbasinɛn, ddəw tə̂ lə Egilisi, singa-mɔnguje kə singa kɔn-mbayje kə̂ mə dara tə̂ gərəje nɛ̂n kəm-karɛ lə Lubba dang dang,

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

Kolosinyɛje 2:15

Lubba ɔru singa lə ndilje tɔyn kə̂ aw ɔnje mbay. N̂-tɔjude kəm dəwje tə̂ tɔyn ngaâ nuwade to bbərəje narə dɔsuje nja kə go kulɛ̂ go Ngonnɛ̂ tə̂ kə̂ tətə ddɔ le.

2 Timɔte 2:5

Ddəw kâra baa, dəwje kə̂ aw taje naan ddəw marə nɛ̂nje tə̂ tokə lə kayn ngɔru, dəw kə̂ ayn ngɔru le kə ddəwe bba a kinga kuka laa.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Ebərəje 12:4

Mba ddɔ kə̂ aw ddɔje kə majang le, ə-ddɔje ndərəng ə-teeje nɛ̂n yo tə̂ ang bbay.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.