Epɛjinyɛje 6:11 - Dɔnɔn kə̂ Siki: Tar kə̂ aw arə təbbə

¹¹ Otoje nɛ̂n-ddɔje tɔyn kə̂ Lubba arəse ulaje rɔse tə̂ bba â kasəje ta kuwa karə ngəng nɔn kula-ddaje tə̂ lə Əsu kə̂ aw dda kə gusu.

Epɛjinyɛje 6:11 Iomraidhean Croise

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Rɔmɛnje 13:12

Ta lo-karɛ ngaa. Yeenn a, maji karə jinyaje nɛ̂n-ddaje kə̂ dəwje aw ddaje lo ndul tə̂ ta julaje nɛ̂n-ddɔje kə̂ dəwje aw ddaje nɛ̂n ddɔ dann karâ rɔje tə̂.

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

2 Kɔrɛntinyɛje 10:4

Mba nɛ̂n-ddɔje kə̂ jaw ddɔje nɛ̂n toje to nɛ̂n-ddɔje kə̂ dəw â dda ang. Singa nɛ̂n-ddɔje le in rɔ Lubba tə̂ mba guru nɛ̂n ndokoje kə̂ ngəng, jaw tujuje kəjəje kə̂ toje kə dɔgɔlɛ̂ ang.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

2 Kɔrɛntinyɛje 2:11

Yeenn bba ta kinya karə Satan taa ddəw ləje ang. Mba n-gərə nɛ̂n kə̂ naw sangə kə majɛ̂.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 6:7

n-pa tar kə̂ tɔkɔrɔ, Lubba arəje singa-mɔngu laa. Junn nɛ̂n-dda kə̂ gatə gatə to nɛ̂n-dda ddɔ ləje ddəm to dər ləje ddəm.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Epɛjinyɛje 4:24

Maji karə ə-ddeeje to dəwje kə̂ siki kə̂ Lubba ddade tokə ye kə̂ məɛ̂ ndiki ngaâ tar kə̂ tɔkɔrɔ ddade arə n̂-ddeeje to dəwje kə̂ gatə gatə ddəm dəwje kə̂ nɛ̂n-yərəw ɔrude ang ddəm.

Epɛjinyɛje 6:13

Mba yeenn bba, maji karə otoje nɛ̂n-ddɔje lə Lubba tɔyn. Baann bba, bbo ndɔ kə̂ maji ang tee a, â kasəje ta maan gɔlse nangə̂ nɔn nje-baan tə̂ le karə ngəng ngaâ bbo ə-ddaje ddɔ le ndərəng ə-teeje nɛ̂n a, â naynje dɔ gɔlse tə̂.

Kolosinyɛje 3:10

Ngaâ ulaje da-rɔ kə̂ siki arə ə-ddeeje to dəwje kə̂ siki. Lubba aw dda arə ə-ddeeje siki kə ndɔ tɔyn ngaâ aw undaje rɔ Lubba kə̂ nje-ddase le kə kete kete. Baann bba â gərəje Lubba le kə majɛ̂.

1 Tesalonisinyɛje 5:8

A jeje kə̂ n-to dəwje kə̂ aw nja karâ le, maji karə n-gərəje dɔjije. Maji karə mə-kunn kə ndiki toje rɔje tə̂ tokə lə kubbu ddɔ. Məje kə̂ junda ta kinga kaji le maji karə to dɔje tə̂ tokə lə əjɔkudɔ-ddɔ.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Jakə 4:7

Yeenn a, maji karə ooje ta Lubba, ubbaje nangə kə Əsu a, nâ kaynse kaw ddəw əw.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 2:24

«A see kəsə dəwje kə̂ Tiyatir, sese kə̂ ə-mbətəje ta kunn go nɛ̂n-tɔju kə̂ maji ang le ngaâ ə-mbətəje ta ndo nɛ̂n kə̂ dəwje le aw bbarje nan ‹nɛ̂nje lə Satan kə̂ iyaje rɔde› le, mâ kunda marə nɛ̂n-koto dɔse tə̂ ang.