Epɛjinyɛje 5:25 - Dɔnɔn kə̂ Siki: Tar kə̂ aw arə təbbə

²⁵ Dingawje, maji karə ə-ndikije dɛnɛ̂nje ləse tokə Kristə ndiki Egilisi, ndərəng arə təbbə laa mbɛɛ̂.

Epɛjinyɛje 5:25 Iomraidhean Croise

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Tar kə̂ Maji kə̂ Jan dda makəturu tə̂ 6:51

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Galatəje 1:4

Jeju njaa unn rɔɛ̂ arə yo mba majangje ləje, mba tee nɛ̂n kə je mə karje tə̂ kə̂ maji ang nəənn kə ddang, tokə ye kə̂ mə Lubba kə̂ to Bɔjeje ndiki.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:24

Maji karə dɛnɛ̂nje bbəəlje ngawdede mə nɛ̂nje tə̂ tɔyn tokə Egilisi bbəəl Kristə.

Epɛjinyɛje 5:28

Yeenn a, maji karə dingaw ndiki dɛnɛ̂n laa tokə da-rɔɛ̂ njaa. Dəw kə̂ ndiki dɛnɛ̂n laa a, to ne njaa â n̂-ndiki rɔɛ̂.

Epɛjinyɛje 5:33

A tar le to mbase tɔ: Maji karə dəw kâra kâra ndiki dɛnɛ̂n laa tokə da-rɔɛ̂ njaa. Ngaâ maji karə dɛnɛ̂nje kâra kâra bbəəlje ngawdede.

Kolosinyɛje 3:19

Dingawje, maji karə ə-ndikije dɛnɛ̂nje ləse ngaâ arəje rɔse atəse dɔde tə̂ ang.

1 Timɔte 2:6

kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

1 Piyɛr 3:7

See dingawje, sese kara, maji karə kisi tə̂ ləse kə dɛnɛ̂nje ləse, ə-gərəje to dɛnɛ̂n to tokə ka kə̂ tɔ laa ɔn ang. Maji karə ə-waljede, mba dâ kingaje kə se təbbə kə̂ tɔkɔrɔ kə̂ Lubba a karəse kə mə-maji laa le tɔ. Baann bba karə bbo aw dujuje Lubba a, marə nɛ̂n ɔku ddəwe ang.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.