Epɛjinyɛje 5:24 - Dɔnɔn kə̂ Siki: Tar kə̂ aw arə təbbə

²⁴ Maji karə dɛnɛ̂nje bbəəlje ngawdede mə nɛ̂nje tə̂ tɔyn tokə Egilisi bbəəl Kristə.

Epɛjinyɛje 5:24 Iomraidhean Croise

Luku 10:17

Njê-njaje go Jeju tə̂ kə̂ dɔsiri gire joo le təlje kə rɔ-nəəl ngaâ paje nan: «Əbbə-dəwje, ndilje kə̂ maji ang njaa kara bbo junn ndu jarəde kə rii a, dulaje dɔde nangə̂ darəje.»

Epɛjinyɛje 5:23

Mba dingaw â to dɔ dɛnɛ̂n tokə Kristə to dɔ Egilisi. Kristə le â aji Egilisi kə̂ to da-rɔɛ̂ le.

Epɛjinyɛje 5:25

Dingawje, maji karə ə-ndikije dɛnɛ̂nje ləse tokə Kristə ndiki Egilisi, ndərəng arə təbbə laa mbɛɛ̂.

Epɛjinyɛje 5:33

A tar le to mbase tɔ: Maji karə dəw kâra kâra ndiki dɛnɛ̂n laa tokə da-rɔɛ̂ njaa. Ngaâ maji karə dɛnɛ̂nje kâra kâra bbəəlje ngawdede.

Kolosinyɛje 3:20

Ngannje, ooje ta njê-kujuse mə nɛ̂nje tə̂ tɔyn. Yeenn to nɛ̂n kə̂ kura kə̂ Əbbə-dəwje ndiki karə ə-ddaje.

Kolosinyɛje 3:22

Bbərəje, maji karə ooje ta əbbəsese kə̂ dɔ nangə tə̂ nəənn mə nɛ̂n tə̂ tɔyn. Ə-ddaje baann mba kunda kə̂ daw dundaje kəmde dɔse tə̂ bba ta nəəl nɛ̂n kəmde tə̂ ang. Ə-ddaje kula arəjede kə mə ngonn-kasə tokə dəwje kə̂ aw bbəəlje Əbbə-dəwje.

Titə 2:7

mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

Titə 2:9

Maji karə ə-pa arə bbərəje ooje ta əbbədede mə nɛ̂nje tə̂ tɔyn. Maji karə n̂-sangəje ddəw mba maji kəm əbbədede tə̂, n̂-maynje kə de tar ang,