Epɛjinyɛje 5:18 - Dɔnɔn kə̂ Siki: Tar kə̂ aw arə təbbə

¹⁸ Ayje koto arə ddase ang. Mba koto aw kə dəw arə tuju. A arəje Ndil â ddususe.

Epɛjinyɛje 5:18 Iomraidhean Croise

Matiye 23:25

«To ndoo nya arəse, see njê-gərəje-Ndu kə see Parijinyɛje kə̂ njê-ngəmje. Aw tokoje giri əngo kə giri ka. A nɛ̂n-bbokoje kə nɛ̂nje kə̂ toje kə ddəwe ang â ddusu mə əngo kə mə ka le.

Matiye 24:49

Nâ kuru dɔ njê-kula marɛ̂je tə̂ le tundade. Nâ kusa nɛ̂n ngaâ nâ kay nɛ̂n kə njê-kayje koto.

Luku 1:15

Mba nâ ddee bo nɔn Əbbə-dəwje tə̂, koto kə̂ to bɛn a kɔru tɛɛ̂ ang ddəm koto kə̂ in a kɔru tɛɛ̂ ang ddəm n̂-nayn mə kɔɛ̂nje tə̂ njaa bbay a, Ndil-mə-nda a dduse.

Luku 11:13

Bbo sese kə̂ məse maji ang ddəm nəənn, ə-gərəje ta karə nɛ̂n kə̂ maji ngannse a, Bɔy kə̂ darâ a karə Ndil-mə-nda njê kə̂ dujeje ang wa?»

Luku 12:45

A bbo nje-kula le pa məɛ̂ tə̂ nan: ‹Əbbəmje a ddee njangə ang bbay!› Ngaâ nuru dɔ njê-kulaje kə̂ dingaw kə njê kə̂ dɛnɛ̂n tə̂ le naw tundade, nusa nɛ̂n ngaâ nay nɛ̂n narə ddɛɛ̂ a,

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Tar kə̂ Maji kə̂ Jan dda makəturu tə̂ 2:10

ngaâ, pa arɛ̂ nan: «Dəwje tɔyn aw kaynje bɛn kə̂ maji dɔngɔr, ta goe tə̂ kə̂ dəwje ayje asəde bba kaynje bɛn kə̂ maji gatə ang. A əi, ə-ngəm bɛn kə̂ maji ndərəng kar tə̂ nəənn wa?»

Kulaje 11:24

Mba Barnabas le to dəw kə̂ maji ddəm dəw kə̂ Ndil-mə-nda dduse ddəm mə-kunn laa bo nya ddəm arə dəwje nya ddeeje to dəwje lə Əbbə-dəwje.

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

1 Kɔrɛntinyɛje 11:21

Mba kar nɛ̂n-kusa a, nân nân kara aw kə ngɔru mba kusa nɛ̂n laa njaa ngaâ bbo dda marɛ̂je, a koto dda marɛ̂je.

1 Kɔrɛntinyɛje 5:11

Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

1 Kɔrɛntinyɛje 6:10

njê-bbokoje, njê-kundaje kəm-nda, njê kə̂ toje to bbərəje lə koto, njê-nanɛnje, njê-kuwa nɛ̂n lə ngamarəde kə singa, lo ləde to Bbe-kɔn tə̂ lə Lubba ang.

1 Tesalonisinyɛje 5:7

Dəwje kə̂ aw tibbije, aw tibbije til tə̂. Ngaâ njê kə̂ aw ayje koto arə aw ddade, aw ayje til tə̂.

Titə 1:6

Maji karə ansinyɛ to dəw kə̂ tar to dɔɛ̂ tə̂ kâra ang, n̂-to nje-dɛnɛ̂n kə̂ kâra, maji karə ngannɛ̂ ooje məde tə̂ ngaâ pa-nja ləde to pa-nja kə̂ dəwje a kundaje nɛ̂n tar dɔde tə̂ ang wase dəwje a kundaje tar dɔde tə̂ mba dɔ-ngəng ləde ang.