Epɛjinyɛje 5:17 - Dɔnɔn kə̂ Siki: Tar kə̂ aw arə təbbə

¹⁷ Yeenn a, maji karə isije to mbəje ang. A maji karə ə-sangəje ta gərə nɛ̂n kə̂ mə Əbbəjeje ndiki karə ə-ddaje.

Epɛjinyɛje 5:17 Iomraidhean Croise

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Rɔmɛnje 12:2

Maji karə ə-ndajije nɛ̂n-ddaje lə dəwje kə̂ duninya tə̂ nəənn ang, a inyaje ddəw arəje Lubba turu kəjə ləse. Baann bba â kasəje ta gərə nɛ̂n kə̂ Lubba ndiki, nɛ̂n kə̂ maji, nɛ̂n kə̂ nəəl kəmɛ̂ tə̂ kə nɛ̂n kə̂ maji tɔyn.

Epɛjinyɛje 5:15

Maji karə aaje pa-njaje ləse ooje kə majɛ̂ bba. Ə-njaje tokə lə mbəje ang. Maji karə ə-njaje to njê-kəm-karɛje.

Kolosinyɛje 1:9

Mba yeenn bba, jeje kara, unn kute ndɔ tə̂ kə̂ joo nɛ̂n tar le, jaw duju Lubba kə ndɔ tɔyn mba tar ləse. Ngaâ jaw duje karə narə ə-gərəje nɛ̂n kə̂ məɛ̂ ndiki narə ddususe, narə ingaje kəm-karɛ kə nɛ̂n-gərə dang dang kə̂ Ndil-mə-nda aw arə dəwje.

Kolosinyɛje 4:5

Maji karə ə-njaje horo dəwje tə̂ kə̂ ooje məde tə̂ ang kə kəm-karɛ. Arəje kar kə̂ Lubba inya arəse nday baa ang.

1 Tesalonisinyɛje 5:18

ngaâ mə nɛ̂nje tə̂ tɔyn, arəje wooyo Lubba, mba to nɛ̂nje kə̂ Lubba ndiki karə ə-ddaje mba mə-kâra kə̂ ə-ddaje kə Jeju-Kristə.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.