Epɛjinyɛje 4:31 - Dɔnɔn kə̂ Siki: Tar kə̂ aw arə təbbə

³¹ Maji karə inyaje rɔ-katə, kila dəw mə tə̂, dda wungu, nɛ̂n-ndangə, nɛ̂n-taji, mə-majangje dang dang.

Epɛjinyɛje 4:31 Iomraidhean Croise

Kulaje 21:30

Lo yəkə mə bbe tə̂ le tɔyn arə dəwje inje loje tə̂ dang dang ddeeje tokə banya. Duwaje Pɔl n̂-teeje saa kəy-polo Lubba tə̂ ddaka ngaâ dutuje ta-kəy-polo Lubba le kə ngɔru.

Rɔmɛnje 3:14

Tar kə̂ tade tə̂ to yo-kɔru dɔrɔ, tar le aw ti wur dəw to ti.

1 Kɔrɛntinyɛje 14:20

Ngakɔnʼmje, maji karə ə-paje tar tokə lə ngannje ang. Maji karə ə-ddeeje tokə lə ngannje kə̂ ngaji kə̂ gərəje ta dda majang ang. A ə-paje tar tokə njê kə̂ tɔkə.

1 Kɔrɛntinyɛje 5:8

Maji karə n-ddaje kusu Pakə le kə mapa kə̂ n̂-dda kə wum kə̂ ləw ang. Mba to wum majang, wum yərəw. A n-ddaje kusu Pakə le kə mapa kə̂ wum goto tə̂ ddəw nɛ̂n tə̂ kə̂ tɔkɔrɔ ddəm ddəw nɛ̂n tə̂ kə̂ yərəw ɔru ang ddəm.

2 Kɔrɛntinyɛje 12:20

M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

Galatəje 5:20

polo kɔr, maal, ndiki naan ang, koo-ta-naan ang, kunda-mə, dda wungu, nɛ̂n-dda kə̂ ta kuta nɛ̂n naan, kar go marə dəw tə̂ a kinya marɛ̂, tin-naan,

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

Epɛjinyɛje 4:25

Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Epɛjinyɛje 4:26

Bbo wungu ɔnse a, ə-ddaje majang ang, arəje lo ndul dɔ wungu tə̂ le ang.

Kolosinyɛje 3:19

Dingawje, maji karə ə-ndikije dɛnɛ̂nje ləse ngaâ arəje rɔse atəse dɔde tə̂ ang.

Kolosinyɛje 3:8

A bbasinɛn nəənn, maji karə inyaje nɛ̂njeenn tɔyn. Nɛ̂nje kə̂ tokə: Wungu, rɔ-katə, mə-majang, nɛ̂n-tajije, tar mbəje kə̂ aw tee tase tə̂.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

1 Timɔte 5:13

Tɔ bbay, mba dingaje kula ta dda ang le a, n̂-ndoje ta kasə lo kə ta-kəy kəy. Dɔɛ̂ tə̂, n̂-təlje to njê-kundaje bula. Tar kə̂ osode tə̂ ang kara dilaje tade tə̂ baa baa. Tar kə̂ asə ta pa ang kara daw paje.

2 Timɔte 2:23

A ə-mbətə mayn-tar kə̂ baa kə mayn-tar mbə. Ə-gərə to mayn-tar kə̂ baann aw uju kɔl.

2 Timɔte 3:3

Nɛ̂n kâra njaa osode tə̂ ang, dâ kooje kəm-to-ndoo lə dəw ang, dâ nanɛnje kə dəwje, dâ tɔje bbo kə̂ da-rɔde tə̂ ang, bbo dda dəw maji ang dɔrɔ â a ddade, dâ ndikije nɛ̂n kə̂ maji ang.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Titə 2:3

Ddəw kâra baa, ə-pa arə dɛnɛ̂nje kə̂ tɔkəje ngəmje pa-nja ləde to dəwje kə̂ unnje rɔde dang mba dda kula lə Lubba. Maji karə n̂-toje to njê-nanɛnje ang ddəm n̂-toje to bbərəje lə koto ang ddəm. Maji karə nɛ̂n kə̂ maji â n̂-tɔjuje.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

Jakə 3:14

Bbo mə ddase nya wase kəjə kə̂ maji ang kə̂ ta nar nɛ̂n lo kə̂ bo to məse tə̂ a, maji karə ɔsuje gaji rɔse ang ddəm ərəje ngəm ə-tujuje nɛ̂n tar kə̂ tɔkɔrɔ ang ddəm.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

1 Jan 3:12

Maji karə n-ddaje nɛ̂n tokə lə Kayn ang. Kayn le to dəw lə Nje-mə-majang arə nuja gɔsu ngokɔɛ̂n. Nuja gɔsɛ̂ mba ddi wa? Mba kula-ddaje laa maji ang, a kula-ddaje lə ngokɔɛ̂n to gatə gatə.

1 Jan 3:15

Dəw kə̂ mbətə ngokɔɛ̂n to nje-tɔl dəw, a ə-gərəje to nje-tɔl dəw ee kə təbbə kə̂ to kə ndɔ kə ndɔ ang.

Apokalisi 12:10

Moo marə ndu bbar kə singa mə dara tə̂ nan: «Bbasinɛn Lubba ajije ngaa, n̂-tɔju singa-mɔngu kə kɔn-mbay laa ngaa. Mesi laa tɔju singa laa ngaa. Mba duta ne nje-kunda tar dɔ ngakɔnje tə̂ le dilɛ̂ nangə̂ mban, ne kə̂ naw nunda tar dɔde tə̂ nɔn Lubba tə̂ til kə kar le.