Epɛjinyɛje 4:30 - Dɔnɔn kə̂ Siki: Tar kə̂ aw arə təbbə

³⁰ Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

Epɛjinyɛje 4:30 Iomraidhean Croise

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Luku 21:28

Bbo nɛ̂ɛnn unn kutu ta ddee a, arje njarara dɔ gɔlse tə̂ ta uwaje dɔse kə taar, mba ndɔ kɔruse mə bbərə tə̂ nayn ngɔsi ngaa.»

Tar kə̂ Maji kə̂ Jan dda makəturu tə̂ 3:33

Dəw kə̂ ndiki tə̂ kə tar-naji laa le tɔju kə ddaka to Lubba aw pa tar kə̂ tɔkɔrɔ.

Kulaje 7:51

«See njê-dɔ-kətərəje, sese kə̂ Lubba bbarse, a arəje məse kətərə ngaâ ooje nɛ̂n-bbar laa ang, a aw mbətəje tar lə Ndil-mə-nda kə ndɔ tɔyn. Ə-toje ddəw kâra baa kə kasəse.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:23

Nɛ̂nje tɔyn kə̂ Lubba dda kə karəde baa njaa aw nɔnje rɔde ang. Jeje kə̂ jingaje Ndil-mə-nda to dɔngɔr nɛ̂n-karə-baa lə Lubba njaa kara jaw nɔnje rɔje məje tə̂ tɔ. Jaw nginanje karə Lubba arə n-ddeeje to ngannɛ̂ ngaâ karə naji da-rɔje tɔ.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 15:54

Ndɔ kə̂ rɔ kə̂ a tuju le turu to rɔ kə̂ a tuju ang ngaâ rɔ kə̂ a koy le turu to rɔ kə̂ a koy ang a, tar kə̂ makəturu tə̂ lə Lubba a ddee to nɛ̂n kə̂ tɔkɔrɔ. Tar le nan: «N̂-tuju yo kə ddang ngaa, to ndɔ tətə ddɔ kə bo.»

1 Tesalonisinyɛje 5:19

Maji karə ɔkuje ddəw Ndil-mə-nda karə dda kula ang.

Ebərəje 10:29

Yeenn a, dəw kə̂ oo Ngonn lə Lubba to nɛ̂n ang kəmɛ̂ tə̂ ngaâ oo məsə dɔnɔn kə̂ Lubba ɔsu karə toko nɛ̂n-yərəwje laa to nɛ̂n kə̂ baa ngaâ taji Ndil-mə-nda kə̂ aw dda saa mə-maji le, kunda laa a bo nya.

Ebərəje 3:10

Mba yeenn bba, wungu ɔnʼm dɔde tə̂ ngaâ m-pa nan: ‹Kəjə ləde to kə dannâ ang kə ndɔ tɔyn, n̂-gərəje nɛ̂n kə̂ m-ndiki karə n̂-ddaje ang.›

Ebərəje 3:17

Njê kə̂ wungu ɔn Lubba dɔde tə̂ bbal dɔsɔ le toje to njê kə̂ dda wa? Wungu ɔɛ̂n dɔ dəwje tə̂ kə̂ ddaje majang, dede le njaa doyje mə kɔr tə̂.