Epɛjinyɛje 4:25 - Dɔnɔn kə̂ Siki: Tar kə̂ aw arə təbbə

²⁵ Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Epɛjinyɛje 4:25 Iomraidhean Croise

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Rɔmɛnje 12:5

Jeje kara n-toje tokə baann tɔ. N-toje tokə banya nya njaa, a n-ddeeje to da-rɔ kə̂ kâra baa ddəw mə-kâra tə̂ kə̂ n-ddaje kə Kristə arə n-ddeeje kâra baa tokə barkəm-rɔ kə̂ kâra baa tɔ.

1 Kɔrɛntinyɛje 10:17

Mapa kə̂ kâra baa tɔju to jeje tɔyn da-rɔje kâra baa, mba jeje tɔyn â jusaje mapa kə̂ kâra baa le.

2 Kɔrɛntinyɛje 7:14

Mba gum kə̂ munda ngaji mbase kəmɛ̂ tə̂ le təl to nɛ̂n-rɔ-kul ləm ang. Jeje jaw pa tar kə̂ tɔkɔrɔ kə ndɔ tɔyn jarəse, yeenn bba guje kə̂ jaw junda mbase kəm Titə tə̂ le ddee to nɛ̂n kə̂ to kə dɔgɔlɛ̂ njaa.

Epɛjinyɛje 4:15

Bbo jaw pa tar kə̂ tɔkɔrɔ ddəw ndiki tə̂ a, ja sangə mə nɛ̂nje tə̂ tɔyn ndərəng ta ddee tokə lə Kristə kə̂ to dɔ Egilisi.

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

Epɛjinyɛje 4:31

Maji karə inyaje rɔ-katə, kila dəw mə tə̂, dda wungu, nɛ̂n-ndangə, nɛ̂n-taji, mə-majangje dang dang.

Epɛjinyɛje 5:30

Mba jeje n-toje to dəbbə rɔ Kristə le.

Kolosinyɛje 3:8

A bbasinɛn nəənn, maji karə inyaje nɛ̂njeenn tɔyn. Nɛ̂nje kə̂ tokə: Wungu, rɔ-katə, mə-majang, nɛ̂n-tajije, tar mbəje kə̂ aw tee tase tə̂.

Kolosinyɛje 3:9

Maji karə ə-paje tar ngəm arəje naan ang ngaa, mba ɔruje da-rɔ kə̂ ləw kə nɛ̂n-ddaje laa ilaje kɔrɔ̂ tokə lə bar kubbu mban.

1 Timɔte 1:10

njê-ddaje lo-to-majang kə dingawje kə̂ aw toje kə dingaw marədeje kə njê-labbəje dəwje to bbərəje kə njê-ngəmje, njê kə̂ aw undaje-yo baa wase dəwje kə̂ ddaje nɛ̂n tɔyn kə̂ to dang kə nɛ̂n-tɔju kə̂ tɔkɔrɔ.

1 Timɔte 4:2

Dəwjeenn le ndəəmje ddəw mba dəwje kə̂ toje to njê-ngəmje, dede kə̂ tar kə̂ tade tə̂ to dang kə kula-ddade le. Kəjə-tar ləde to kə dɔgɔlɛ̂ ang tokə nɛ̂n kə dula nɛ̂n poro darə kasɛ bba dɔru nɛ̂n kəjə ləde le.

Titə 1:12

Marɛ̂ kâra horode tə̂ kə̂ to nje-kila mbər tar ləde pa nan: «Njê kə̂ dɔ dərə-maann tə̂ kə̂ Krɛtə to njê-ngəmje ləw baa, n̂-toje to daje kə̂ aw ddaje dingaw nya, n̂-toje to njê-dabbəje, kəjə nɛ̂n-kusa dɔrɔ â to məde tə̂.»

Titə 1:2

Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Jakə 1:21

Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.