Epɛjinyɛje 4:18 - Dɔnɔn kə̂ Siki: Tar kə̂ aw arə təbbə

¹⁸ Kəjəje ləde toje to kəjəje kə̂ tuju. Təbbə kə̂ Lubba aw arə dəwje to mbade ang. N̂-gərəje nɛ̂n kâra ang, mba məde kətərə.

Epɛjinyɛje 4:18 Iomraidhean Croise

Matiye 13:15

Mba dɔ dəwje nəənn kətərə nya. Dutuje mbide bba ta koo tar ang, n̂-bbirije kəmde bba ta koo lo ang, Yeenn bba, n̂-gərəje kandə tar ang. Ngaâ, n̂-turuje məde bba karə majide rɔ-toje tə̂ ləde ang.›

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Tar kə̂ Maji kə̂ Jan dda makəturu tə̂ 12:40

«Lubba dda arə kəmde oo lo ang. N̂-dda narə məde kətərə, bba karə dooje lo ang, karə n̂-gərəje nɛ̂n ang, bba karə n̂-turu ddəw ləde ang, ngaâ, karə Lubba ajide rɔ-to tə̂ ləde ang.»

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 3:17

«A ngakɔnʼmje, m-gərə maji to sese kə njê-kɔn dɔseje ə-ddaje nɛ̂n baann mba to nɛ̂n kə̂ ə-gərəje ang.

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 11:7

Yeenn pa nan ddi wa? Nɛ̂n kə̂ Ngann Ijarayɛlje aw sangəje le dingaje ang. A dede kə̂ Lubba mbərəde â dingaje nɛ̂n le. Lubba dda arə mə kəseje kətərə.

Rɔmɛnje 2:19

Əi kə̂ oo rɔi to nje-kila kakə ji njê-kəm-tɔje tə̂ ngaâ ə-to puru-ngeel kə̂ dəwje kə̂ eeje lo ndul tə̂ aw ooje nɛ̂n lo.

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 2:8

Dəw kâra horo njê-kɔn-bbeje tə̂ kə̂ nangə̂ nəənn gərə kəm-karɛ le ang. Bbo n̂-gərəje kəm-karɛ le a, dâ tɔlje Əbbə-dəwje kə̂ piti to laa le kakə-dəsə tə̂ ang.

2 Kɔrɛntinyɛje 3:14

A ddəw nɛ̂n-gərə ləde utu ngaa. Ndərəng bbokənɛn nəənn, bbo daw turaje makəturu Dɔnɔn kə̂ Ləw le a, tokə nɛ̂n kə̂ ta-kubbu le nayn kə lo-toe bbay, tokə kɔru ang. Mba dəw kə̂ unn məɛ̂ arə Kristə bba ta-kubbu le a kɔru kəmɛ̂ tə̂.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Galatəje 4:8

Ləw, ə-gərəje Lubba ang, ə-toje to bbərəje lə kɔrje kə̂ toje to lubbaje kə̂ tɔkɔrɔ ang.

Epɛjinyɛje 2:1

Ləw, kəm Lubba tə̂, ə-toje tokə lə dəwje kə̂ oy mba nɛ̂n-ddaje ləse kə̂ to kə dɔgɔlɛ̂ ang ddəm nɛ̂n-ddaje kə̂ maji ang ddəm.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Kolosinyɛje 1:21

Ləw, ə-tinje naan kə Lubba. Ə-toje to njê-baanje laa mba majangje kə̂ aw əjəje məse tə̂ ddəm aw ddaje ddəm.

1 Tesalonisinyɛje 4:5

Arəje bbo kə̂ da-rɔ tə̂ dɔrɔ â ddase tokə aw dda dəwje kə̂ gərəje Lubba ang le ang.

Ebərəje 5:2

Ne nje-polo Lubba le njaa kara naw nubba singa ddəw marə nɛ̂nje tə̂ ang nya. Yeenn a, nasə ta gərə nɛ̂n kə̂ aw uta singa dəwje kə̂ gərəje nɛ̂n ang ngaâ ndəəmje ddəw.

Ebərəje 9:7

A mə kəy tə̂ kə̂ to joo laa le, tɔkə nje-polo Lubba kə karɛ̂ baa â aw andə tə̂ gɔl kâra baa njaa mə bbal tə̂ kâra. Naw nandə mə kəy tə̂ le kə məsə ta karə Lubba to nɛ̂n-polo mba majang laa ne njaa ddəm mba majang lə dəwje ddəm.

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

1 Piyɛr 1:14

Maji karə ə-ddaje nɛ̂n tokə lə ngannje kə̂ ooje tar. Bbo ə-ddaje nɛ̂n ddəw bbo tə̂ kə̂ da-rɔse tə̂ tokə ye kə̂ kete ang ngaa, mba kete le ə-nayn ə-gərəje nɛ̂n ang bbay.

1 Jan 2:11

Dəw kə̂ mbətə ngokɔɛ̂n nayn lo ndul tə̂ bbay. Naw nja lo ndul tə̂ ngaâ n̂-gərə lo kə̂ naw naw tə̂ ang, mba lo ndul ɔku kəmɛ̂.