Epɛjinyɛje 4:16 - Dɔnɔn kə̂ Siki: Tar kə̂ aw arə təbbə

¹⁶ Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Epɛjinyɛje 4:16 Iomraidhean Croise

Tar kə̂ Maji kə̂ Jan dda makəturu tə̂ 15:5

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Rɔmɛnje 12:4

Da-rɔ dəw kâra baa, a barkəm-rɔɛ̂ banya nya ngaâ kula kə̂ kâra baa â daw ddaje ang.

1 Kɔrɛntinyɛje 10:17

Mapa kə̂ kâra baa tɔju to jeje tɔyn da-rɔje kâra baa, mba jeje tɔyn â jusaje mapa kə̂ kâra baa le.

1 Kɔrɛntinyɛje 13:13

Bbasinɛn nɛ̂nje kə̂ mota nəənn naynje bbay: mə-kunn, kunda-mə dɔ nɛ̂n tə̂ kə ndiki. A horo nɛ̂nje tə̂ kə̂ mota nəənn, ndiki â utade tɔyn.

1 Kɔrɛntinyɛje 8:1

Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Epɛjinyɛje 3:7

M-ddee to nje-kula Tar kə̂ Maji ddəw mə-maji tə̂ lə Lubba kə̂ dda səm baa kə singa-mɔngu laa.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Epɛjinyɛje 4:15

Bbo jaw pa tar kə̂ tɔkɔrɔ ddəw ndiki tə̂ a, ja sangə mə nɛ̂nje tə̂ tɔyn ndərəng ta ddee tokə lə Kristə kə̂ to dɔ Egilisi.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

Kolosinyɛje 2:19

Dinyaje ta nayn kə Kristə kə̂ to tokə dɔ dəw le. Dɔ â aw dda arə da-rɔ tɔyn mbɔn naan to kâra baa. Ddəw tə̂ le dɔ â, mbara-rɔje kə mənrə-rɔje uwaje naan ngaâ ubbaje singa tokə ye kə̂ Lubba ndiki.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

1 Tesalonisinyɛje 3:12

Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Jan 4:16

Jeje, n-gərəje ndiki kə̂ Lubba ndikije ngaâ jooje məje tə̂ kə ndiki le. Lubba to ndiki. Dəw kə̂ nayn ddəw ndiki tə̂, nayn ddəw mə-kâra tə̂ kə Lubba ddəm Lubba nayn ddəw mə-kâra tə̂ saa ddəm.