Epɛjinyɛje 4:15 - Dɔnɔn kə̂ Siki: Tar kə̂ aw arə təbbə

¹⁵ Bbo jaw pa tar kə̂ tɔkɔrɔ ddəw ndiki tə̂ a, ja sangə mə nɛ̂nje tə̂ tɔyn ndərəng ta ddee tokə lə Kristə kə̂ to dɔ Egilisi.

Epɛjinyɛje 4:15 Iomraidhean Croise

Tar kə̂ Maji kə̂ Jan dda makəturu tə̂ 1:47

Jeju oo Natanayɛl kə̂ aw ddee kə rɔɛ̂ tə̂ ngaâ pa tar dɔɛ̂ tə̂ nan: «Ngonn Ijarayɛl kə̂ tɔkɔrɔ â toonn. To dəw kə̂ ngəm to rɔɛ̂ tɛɛ̂ ang.»

Rɔmɛnje 12:9

Maji karə ə-ndikije dəwje kə mə-kâra. Maji karə ə-mbətəje nɛ̂n kə̂ maji ang, nɛ̂n kə̂ maji dɔrɔ â ə-ddaje.

1 Kɔrɛntinyɛje 11:3

A m-ndiki karə ə-gərəje tar nəənn tɔ. Nje-kɔn dɔ dingaw â to Kristə, nje-kɔn dɔ dɛnɛ̂n to dingaw, a Lubba â to nje-kɔn dɔ Kristə.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Kɔrɛntinyɛje 8:8

To ndu â munn marəse ang. Â bbo m-pa tar bbo dda kula kə̂ to mə marə dəwje marəse a, yeenn to ddəw â marəse karə sese kara ə-tɔjuje ndiki ləse kə̂ tɔkɔrɔ kə ddaka.

Epɛjinyɛje 1:22

Tɔkɔrɔ, Lubba ungu nɛ̂nje tɔyn kɔ gɔl Kristə tə̂, nundɛ̂ dɔ nɛ̂nje tə̂ tɔyn ngaâ n̂-ddɛɛ̂ to tɔkə mbay dɔ Egilisi tə̂.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Epɛjinyɛje 2:21

Ne â n̂-dda bba kəy kə̂ daw dɔsu mɔngu ngaâ ndəw arə ddee to kəy-polo Lubba kə̂ dunda dang mba Əbbə-dəwje.

Epɛjinyɛje 4:25

Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Epɛjinyɛje 5:23

Mba dingaw â to dɔ dɛnɛ̂n tokə Kristə to dɔ Egilisi. Kristə le â aji Egilisi kə̂ to da-rɔɛ̂ le.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

1 Jan 3:18

Ngannje, maji karə n-ndikije naan kə tar kə̂ taje tə̂ baa ang. Maji karə n-ndikije naan ddəw dda marə nɛ̂n tə̂ kə ddəw ndiki tə̂ kə̂ tɔkɔrɔ.