Epɛjinyɛje 4:14 - Dɔnɔn kə̂ Siki: Tar kə̂ aw arə təbbə

¹⁴ Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Epɛjinyɛje 4:14 Iomraidhean Croise

Matiye 11:7

Njê-njaje go Jan tə̂ le təlje a, Jeju unn kutu pa tar dɔ Jan tə̂ arə dəwje kə̂ banya le nan: «Ddi â awje aw ooje mə kɔr tə̂ le wa? Waa lə habbə kə̂ ləl aw yəkə wa?

Matiye 24:11

Njê-kilaje mbər tar kə̂ tɔkɔrɔ ang tokə banya a kundaje lo teeje ngaâ dâ kərəje dəwje nya nya.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Kulaje 23:21

A dang bba oo tar ləde ang, mba dasəje nɛ̂n kə̂ dɔsɔ gire ngaâ diyaje baan. Dundaje yo ta kɔku rɔde nɛ̂n-kusa kə nɛ̂n-kay ndərəng ta tɔl Pɔl bba. N̂-gɔlje rɔde tɔyn mban, ndui njaa daw nginanje.»

1 Kɔrɛntinyɛje 12:2

Ə-gərəje kə majɛ̂ to ləw kə̂ ə-gərəje Lubba ang bbay le, bbo polo kɔrje kə̂ aw paje tar ang uta dɔse.

1 Kɔrɛntinyɛje 14:20

Ngakɔnʼmje, maji karə ə-paje tar tokə lə ngannje ang. Maji karə ə-ddeeje tokə lə ngannje kə̂ ngaji kə̂ gərəje ta dda majang ang. A ə-paje tar tokə njê kə̂ tɔkə.

1 Kɔrɛntinyɛje 3:19

Mba kəm-karɛ kə̂ duninya tə̂ nəənn to nɛ̂n-mbə kəm Lubba tə̂. Mba Makəturu lə Lubba pa nan: «Njê-kəm-karɛje aw osoje mə ji Lubba tə̂ ddəw tar ngəm tə̂ ləde njaa.»

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

Galatəje 3:1

See dəwje kə̂ Galasi, mbə ddi â ə-mbəje be wa? N̂-tɔjuse tar koy lə Jeju-Kristə kakə-dəsə tə̂ kə majɛ̂, a nân bba n̂-turu kəmse wa?

Epɛjinyɛje 6:11

Otoje nɛ̂n-ddɔje tɔyn kə̂ Lubba arəse ulaje rɔse tə̂ bba â kasəje ta kuwa karə ngəng nɔn kula-ddaje tə̂ lə Əsu kə̂ aw dda kə gusu.

1 Timɔte 3:6

Maji karə dəw kə̂ dɔ Egilisi tə̂ to dəw kə̂ unn məɛ̂ arə Jeju goe əw bba. Baann ang a, nâ koo rɔɛ̂ bo nya ngaâ Lubba a gangə sariya dɔɛ̂ tə̂ tokə n̂-gangə sariya dɔ Əsu tə̂ le.

2 Timɔte 1:15

Ə-gərə maji to dəwje tɔyn kə̂ Aji tusumje Inyamje. Pijɛl de kə Ɛrmojɛnn kara dinyamje tɔ.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

2 Timɔte 4:3

Mba marə kar aw ddee, karɛ̂ tə̂ənn le, nɛ̂n-tɔju kə̂ maji tɔyn a nəəl dəwje ang ngaa. Dâ kaaje lo kə bbo kə̂ da-rɔde tə̂, bbo koo tar kə̂ məde ndiki ta koo â a ddade kə ndɔ tɔyn ngaâ dâ bbarje njê-nɛ̂n-tɔjuje kə dɔ naan tə̂ dɔ naan tə̂.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

Jakə 1:6

A maji karə dəw le duju ddəw mə-kunn tə̂ bbo nəjə marə tar dang ang. Mba dəw kə̂ aw əjə marə tar dang to ddəw kâra baa kə ba-katə kə̂ ləl aw unn kə taar arə ləngə.

Jakə 3:4

Ooje tɔkə toje, n̂-boje nya tɔkɔrɔ njaa, a bbo tɔkə ləl ula ngaâ uta tɔkə toje le a, ngonn nɛ̂n kə̂ tɛn baa be kə̂ ria nan gubɛrnay â nje-ndɔru to le aw tɔju nɛ̂n ddəw kə̂ n̂-ndiki karə to le unn.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.

1 Jan 2:26

M-dda makəturu nəənn marəse, mba pa nɛ̂n tar dɔ dəwje tə̂ kə̂ aw sangəje ddəw ta ddase karə ə-ndəəmje ddəw le.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

Judə 1:12

Dede le n̂-toje to nɛ̂n-yərəw horose tə̂, see njê-mə-kunnje ndɔ kɔn muru mə-kâra tə̂ ləse. Dusaje nɛ̂n ngaâ dayje nɛ̂n kə rɔ-kul ang darəje məde ndann ngaâ dəjəje kə dɔde tə̂, dede njaa. N̂-toje tokə lə ndi kə̂ in, a ərə ang, mba ləl ɔsu ɔtu nɛ̂n. N̂-toje tokə kakə kə̂ nɛyn kandə lə kakəje asə a, andə ang. Tokə kakəje kə̂ n̂-tɔru kə ngirɛ̂ baa darə oy njan.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.