Epɛjinyɛje 4:11 - Dɔnɔn kə̂ Siki: Tar kə̂ aw arə təbbə

¹¹ Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.

Epɛjinyɛje 4:11 Iomraidhean Croise

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 21:8

Lo-karɛ̂ a, n-təl junn ddəw jaw tee Sejare. Lo tə̂ənn jaw kə̂y lə Pilipi kə̂ to nje-tɔju Tar kə̂ Maji lə Lubba kə̂ ee horo marɛ̂je tə̂ kə̂ siri kə̂ n̂-mbərəde Jerujalɛm ngaâ n-to kə̂y laa.

Rɔmɛnje 12:7

Dəw kə̂ Lubba arɛ̂ gusu karə uman dəwje a, maji karə numande. Dəw kə̂ Lubba arɛ̂ gusu karə n̂-tɔju nɛ̂n dəwje a, maji karə n̂-tɔju nɛ̂n dəwje.

1 Kɔrɛntinyɛje 12:4

Gusuje dang dang banyaje nya. A Ndil kə̂ nje-karə gusujeenn le kâra baa.

Epɛjinyɛje 2:20

Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.

Epɛjinyɛje 3:5

Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.

Epɛjinyɛje 4:8

Mba yeenn bba, Makəturu lə Lubba pa nan: «Kin laa kə̂ nin naw taar nu le, nuwa bbərəje naw kə de, narə nɛ̂n dəwje baa.»

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

Ebərəje 5:12

Kuru lo əw nya karə ə-ddeeje to njê-nɛ̂n-tɔjuje ngaa. A sese le tɔ bbay â ə-ndikije karə n̂-təl n̂-tɔjuse dɔngɔr nɛ̂nje kə̂ dɔ tar tə̂ lə Lubba wa? Ə-ddeeje to dəwje kə̂ ndikije ta kil mba bbay, bbo asəje ta kusa nɛ̂n kə̂ kətərə ang.

Judə 1:17

A see ngakɔnʼmje kə̂ m-ndikise, maji karə oleje məse dɔ tar tə̂ lə njê-kaw-kulaje lə Əbbəjeje Jeju-Kristə kə̂ paje arəse ləw.

Apokalisi 18:20

Dəwje kə̂ darâ, ə-ddaje rɔ-nəəl mba koso lə Babilɔnn le. See dəwje lə Lubba, see njê-kaw-kulaje kə njê-kilaje mbər tar lə Lubba, ə-ddaje rɔ-nəəl tɔ, mba Lubba gangə sariya dɔɛ̂ tə̂ mba nɛ̂n kə̂ n̂-dda kə se le.

Apokalisi 21:14

Dɔsu ndoko le dɔ ərje tə̂ dɔku gire joo kə̂ dungu nɛ̂n gɔlɛ̂ ngaâ n̂-dda ri njê-kaw-kulaje kə̂ dɔku gire joo kə̂ toje to lə Ngonn batə le kar ərje tə̂ kə̂ dɔku gire joo le kâra kâra.