Epɛjinyɛje 4:10 - Dɔnɔn kə̂ Siki: Tar kə̂ aw arə təbbə

¹⁰ Dəw kə̂ ddisi le ne tɔ â, nin naw nday daraje tɔyn le. Yeenn bba ta ddusu nɛ̂n loje tɔyn kə̂ Lubba dda.

Epɛjinyɛje 4:10 Iomraidhean Croise

Matiye 24:34

Tɔkɔrɔ, m-pa marəse, dəwje kə̂ bbokənɛn nəənn a koyje tɔyn ang bbay a, nɛ̂njeenn tɔyn a toje.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 1:16

Nɛ̂nje kə̂ maji dduse arə jeje tɔyn njaa n̂-bbar tar kə̂ maji dɔje tə̂ kə dɔ naan tə̂, dɔ naan tə̂.

Tar kə̂ Maji kə̂ Jan dda makəturu tə̂ 19:24

Mbambaje le paje arə naan nan: «N-tirje kubbu nəənn ang. N-ddɔje mbari jooje se nân bba a bu wa?» Baann bba karə tar kə̂ Makəturu lə Lubba pa nəənn ddee to tar kə̂ tɔkɔrɔ. Tar le nan: «N̂-kaynje naan kubbuje ləm, ngaâ dunnje kubbu ləm kə̂ ngal n̂-ddɔje nɛ̂n mbari.» Nɛ̂ɛnn le njaa mbambaje ddaje.

Tar kə̂ Maji kə̂ Jan dda makəturu tə̂ 19:28

Goe tə̂ a, Jeju gərə to nɛ̂n tɔyn tunga mban. A karə tar kə̂ Makəturu pa le ddee to tar kə̂ tɔkɔrɔ a, n̂-pa nan: «Kunda ɔnʼm.»

Tar kə̂ Maji kə̂ Jan dda makəturu tə̂ 19:36

Nɛ̂ɛnn to bba karə tar kə̂ Makəturu lə Lubba pa ddee to tar kə̂ tɔkɔrɔ. Tar le nan: «Dâ guru marə singa rɔɛ̂ kâra ang.»

Kulaje 1:11

Dingawje le paje arəjede nan: «Dəwje kə̂ Galile, mba ddi bba arje nəənn aw aaje lo kə darâ wa? Jeju kə̂ Lubba unnɛ̂ horose tə̂ aw saa kə darâ le a təl ddee tokə kaw laa kə̂ ooje nəənn.»

Kulaje 1:9

Go tar tə̂ kə̂ Jeju pa le a, nin kəmde tə̂ naw kə darâ ngaâ mum dibbi dɔɛ̂ arə dooeje ang.

Kulaje 2:33

Lubba unnɛ̂ undɛ̂ dɔ ji-kɔlɛ̂ tə̂ darâ. Ninga Ndil-mə-nda kə̂ Bɔ unn ndue ta karə le ngaâ n̂-sanrɛ Ndil le dɔje tə̂ ddəw kâra baa tokə aw ooje kə kəmse ddəm kə mbise ddəm nəənn.

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

2 Kɔrɛntinyɛje 12:2

Dda bbal dɔku gire sɔ ngaa, m-gərə marə dəw kə̂ unn məɛ̂ arə Kristə kə̂ Lubba unnɛ̂ aw saa ndərəng ddutu dara tə̂. Se ndile â naw nɛ̂n wase nunnɛ̂ kə da-rɔɛ̂ tɔyn njaa wa kara m-gərə ang. Lubba â gərə.

Epɛjinyɛje 3:19

Ngaâ â gərəje ndiki lə Kristə kə̂ uta nɛ̂n-gərəje tɔyn. Baann bba karə nɛ̂nje lə Lubba ddususe tɔyn.

Kolosinyɛje 1:19

Mba Lubba oo maji ta kisi tɔyn njaa mə ngonnɛ̂ tə̂ ta dduse tɔyn.

Kolosinyɛje 2:9

Mba ne Kristə kə̂ nunn da-rɔ dəw le, nɛ̂nje kə̂ to rɔ Lubba tə̂ tɔyn njaa to rɔɛ̂ tə̂.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

Ebərəje 8:1

Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.