Epɛjinyɛje 3:5 - Dɔnɔn kə̂ Siki: Tar kə̂ aw arə təbbə

⁵ Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.

Epɛjinyɛje 3:5 Iomraidhean Croise

Matiye 13:17

Mba m-pa tar kə̂ tɔkɔrɔ marəse, njê-kilaje mbər tar lə Lubba nya kə dəwje kə̂ toje gatə gatə kəm Lubba tə̂ tokə banya ndikije ta koo nɛ̂n kə̂ aw ooje kə kəmse nəənn, a dooje ang, n̂-ndikije ta koo nɛ̂n kə̂ aw ooje kə mbise nəənn, a dooje ang.»

Matiye 20:7

Dilɛ̂je tə̂ nan: ‹Jar baa, mba joo dəw kə̂ ta kotoje kula tə̂ ang.› N̂-pa narəde nan: ‹Aw ddaje kula ndɔɔ binyə tə̂ ləm tɔ.›

Matiye 23:34

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.

Luku 10:24

Mba m-pa marəse, njê-kilaje mbər tar lə Lubba kə tɔkə mbayje nya ndikije ta koo nɛ̂n kə̂ aw ooje kə kəmse nəənn, a dooje ang. N̂-ndikije ta koo nɛ̂n kə̂ aw ooje kə mbise nəənn, a dooje ang.»

Luku 11:49

Mba yeenn bba Lubba pa tar ddəw kəm-karɛ tə̂ laa nan: ‹Mâ kula njê-kilaje mbər tar kə njê-kaw-kulaje karəde. Dâ tɔl marɛ̂je ngaâ dâ kula kəm marɛ̂je ndoo tə̂.›

Tar kə̂ Maji kə̂ Jan dda makəturu tə̂ 14:26

A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Kulaje 10:28

Piyɛr pa arəde nan: «Ə-gərəje kə majɛ̂ to darə ddəw Jiipije karə uwaje buwa-kura kə dəwje kə̂ gəlde dang ang ddəm ta kubba mə kəy ləde ang ddəm. A əman, Lubba tɔjum to, to maji karə moo dəw to dəw kə̂ maji ang kəmʼm tə̂ ang wase m-yabbə dəw ang.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

1 Kɔrɛntinyɛje 2:10

A jeje â Lubba arə Ndil-mə-nda tɔju nɛ̂nje le kə ddaka arəje. Mba Ndil-mə-nda gərə nɛ̂nje tɔyn. Nɛ̂nje lə Lubba kə̂ nayn lo-kiyɛ̂ tə̂ kara n̂-gərə.

Epɛjinyɛje 2:20

Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.

Epɛjinyɛje 3:9

Narəm ddəw tɔ karə m-tɔju gusu kə̂ n̂-dda nɛ̂n nɛ̂nje kə̂ n̂-gɔl kə̂ toje lo-kiyɛ̂ tə̂ le marə uja kəm dəwje tə̂ kə majɛ̂. Ne Lubba kə̂ n̂-dda nɛ̂nje tɔyn le n̂-ngəm nɛ̂nje kə̂ n̂-gɔl le lo-kiyɛ̂ tə̂ ləw baa.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

Judə 1:17

A see ngakɔnʼmje kə̂ m-ndikise, maji karə oleje məse dɔ tar tə̂ lə njê-kaw-kulaje lə Əbbəjeje Jeju-Kristə kə̂ paje arəse ləw.