Epɛjinyɛje 3:20 - Dɔnɔn kə̂ Siki: Tar kə̂ aw arə təbbə

²⁰ Lubba aw dda kə je ddəw singa-mɔngu tə̂ laa kə̂ aw dda kula rɔje tə̂. Nasə dda karə jingaje nɛ̂nje uta yeje kə̂ n-dujeje wase yeje kə̂ jaw jəjəje.

Epɛjinyɛje 3:20 Iomraidhean Croise

Matiye 3:9

Kəjə kə̂ aw əjəje məse tə̂ nan Abaraham to kasese le asə ang. M-pa marəse: Lubba asə ta turu ərje nəənn karə təlje to ngann ka Abaraham.

Tar kə̂ Maji kə̂ Jan dda makəturu tə̂ 10:10

Nje-bboko ddee mba bboko nɛ̂n, mba tɔl nɛ̂n, mba tuju nɛ̂n njaa a bbayɛ̂. A əman, m-ddee ta karə dəwje ingaje təbbə tokə banya uta dɔɛ̂.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

Rɔmɛnje 4:21

N̂-gərə kə majɛ̂ to nɛ̂n kə̂ Lubba unn ndue ta dda le nee kə singa ta dda njaa.

1 Kɔrɛntinyɛje 2:9

Ddəw kâra baa tokə Makəturu lə Lubba pa tarɛ̂ nan: «Nɛ̂n kə̂ kəm dəw oo ang ddəm mbi dəw oo ang ddəm Nɛ̂n kə̂ dəw əjə ndɔ kâra ang, Lubba gɔl mba dəwje kə̂ ndikeje.»

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

Epɛjinyɛje 1:19

M-duju Lubba tɔ karə ə-gərəje singa-mɔngu kə̂ bo uta dɔɛ̂, kə̂ Lubba ngəm mba tar le jee njê-mə-kunnje. Singa-mɔngu laa kə̂ bo le njaa â

Epɛjinyɛje 3:7

M-ddee to nje-kula Tar kə̂ Maji ddəw mə-maji tə̂ lə Lubba kə̂ dda səm baa kə singa-mɔngu laa.

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

1 Timɔte 1:14

A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.

Ebərəje 11:19

Abaraham pa məɛ̂ tə̂ nan: «Dəw kə̂ oy kara, Lubba ee kə singa ta ndole.» Mba yeenn bba Lubba təl kə ngonnɛ̂ le arɛ̂ tokə dəw kə̂ oy bba ndol.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Jakə 4:12

Lubba kâra baa to nje-kunn ndu ngaâ ne kâra baa tɔ â n̂-to nje-gangə sariya. Ne â nasə ta kaji dəw ngaâ ne tɔ â nasə ta karə dəw oy tɔ. A əi, ə-to nân bba aw gangə sariya dɔ nje-mari tə̂ wa?

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!