Epɛjinyɛje 3:2 - Dɔnɔn kə̂ Siki: Tar kə̂ aw arə təbbə

² Məjə to ooje tar kula kə̂ Lubba inya jim tə̂ ddəw mə-maji tə̂ laa mbase le njaa.

Epɛjinyɛje 3:2 Iomraidhean Croise

Kulaje 13:2

Marə ndɔ n̂-mbɔnje naan mba polo Əbbə-dəwje ngaâ dɔkuje rɔde nɛ̂n-kusa a, Ndil-mə-nda pa nan: «Undaje Barnabas de kə Sɔl dang mba kula kə̂ m-bbarde mbɛɛ̂.»

Kulaje 13:46

Pɔl de kə Barnabas n̂-paje tar kə bbəəl ang darəde nan: «Sese â, to ta karə ə-toje to dɔngɔr dəwje kə̂ ja pa tar lə Lubba nəənn karəse. A ə-mbətəje tar le ngaâ sese njaa ə-təlje ooje rɔse to dəwje kə̂ asəje ta kinga təbbə kə̂ to kə ndɔ kə ndɔ ang. Yeenn bba, n-turu kəmje kə rɔ dəwje tə̂ kə̂ toje to Jiipije ang ngaa.

Kulaje 22:21

A Əbbə-dəwje le pa arəm nan: ‹Aw, mba mâ kulai ddəw əw horo dəwje tə̂ kə̂ toje to Jiipije ang.› »

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 11:13

Tar kə̂ mâ ta pa karəse nəənn to mba sese kə̂ ə-toje to Jiipije ang. Mba əman le njaa m-to nje-kaw-kula lə dəwje kə̂ toje to Jiipije ang. Mba yeenn bba mɔsu gaji kula ləm le nya,

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

1 Kɔrɛntinyɛje 4:1

Maji karə dəwje oojeje to njê-kulaje lə Kristə, dəwje kə̂ Lubba inya nɛ̂nje kə̂ toje lo-kiyɛ̂ tə̂ jide tə̂ karə n̂-tɔjuje kə ddaka.

Galatəje 1:13

Mba ooje tar nɛ̂n-ddaje ləm kə̂ dɔngɔr, kar tə̂ kə̂ m-nayn maw polo nɛ̂n Lubba tokə lə Jiipije le. Maw mula kəm Egilisi lə Lubba ndoo tə̂ nya ddəm maw tuju Egilisi le ddəm.

Epɛjinyɛje 1:10

Nɛ̂n kə̂ n̂-ndiki ta dda le bbo karɛ̂ asə a, ta mbɔn nɛ̂nje tɔyn kə̂ toje mə dara tə̂ kə nɛ̂nje kə̂ toje dɔ nangə tə̂ kungu kɔ gɔl mbay tə̂ kə̂ kâra baa, kə̂ to Kristə.

Epɛjinyɛje 3:7

M-ddee to nje-kula Tar kə̂ Maji ddəw mə-maji tə̂ lə Lubba kə̂ dda səm baa kə singa-mɔngu laa.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Epɛjinyɛje 3:9

Narəm ddəw tɔ karə m-tɔju gusu kə̂ n̂-dda nɛ̂n nɛ̂nje kə̂ n̂-gɔl kə̂ toje lo-kiyɛ̂ tə̂ le marə uja kəm dəwje tə̂ kə majɛ̂. Ne Lubba kə̂ n̂-dda nɛ̂nje tɔyn le n̂-ngəm nɛ̂nje kə̂ n̂-gɔl le lo-kiyɛ̂ tə̂ ləw baa.

Epɛjinyɛje 4:21

Bbo n̂-pa tar laa darəse ngaâ n̂-tɔjuse tar laa kə̂ to tar kə̂ tɔkɔrɔ kə̂ ddee ddəw tə̂ lə Jeju a,

Epɛjinyɛje 4:7

A jeje tɔyn njaa Lubba dda kə je mə-maji asə kəm gusu kə̂ Kristə arəje kâra kâra.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

2 Timɔte 1:11

Mba yeenn bba Lubba unnum to Nje-nɛ̂n-tɔju ddəm to nje-kaw-kula ddəm karə mila mbər Tar kə̂ Maji le.