Epɛjinyɛje 3:16 - Dɔnɔn kə̂ Siki: Tar kə̂ aw arə təbbə

¹⁶ M-duje nya karə ddəw piti tə̂ laa kə̂ uta dɔɛ̂, narəse singa nya məse tə̂ ddəw tə̂ lə Ndil-mə-nda.

Epɛjinyɛje 3:16 Iomraidhean Croise

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Rɔmɛnje 2:29

Dəw kə̂ to Jiipi məɛ̂ tə̂ nu â to Jiipi kə̂ tɔkɔrɔ. Kuja ganja kə̂ tɔkɔrɔ to ye kə̂ mə dəw tə̂, ddəw tə̂ lə Ndil lə Lubba bbo ddəw Ndu tə̂ kə̂ n̂-dda makəturu tə̂ ang. Jiipi kə̂ tɔkɔrɔ, Lubba â aw pite bbo dəwje â aw piteje ang.

Rɔmɛnje 7:22

Mba məm tə̂ nu, Ndu lə Lubba dɔrɔ â aw arəm rɔ-nəəl.

Rɔmɛnje 9:23

Lubba ndiki ta tɔju piti laa kə̂ bo nya kəsə dəwje, dede kə̂ noo kəm-to-ndoo ləde kə̂ n̂-gɔlde tokə kete mba karə dingaje piti saa.

1 Kɔrɛntinyɛje 16:13

Maji karə undaje kəmse dɔ rɔse tə̂, uwaje mə-kunn ləse arə ngəng, uwaje rɔse to dingawje, ə-ngəngje dɔ rɔse tə̂.

2 Kɔrɛntinyɛje 12:9

A n̂-pa narəm nan: «Mə-maji kə̂ m-dda səi njaa asi. Kar tə̂ kə̂ singa dəw goto bba maw tɔju singa-mɔngu ləm.» Yeenn bba, m-ndiki nya ta kunda gum mba singam kə̂ goto, bba karə singa-mɔngu lə Kristə to dɔm tə̂.

2 Kɔrɛntinyɛje 4:16

Mba yeenn bba, rɔje oy ang. Ngaâ, le da-rɔje aw tuju jann jann kara, jaw jubba singa məje tə̂ tokə siki kə ndɔ tɔyn.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 2:7

Yeenn a, ddəw mə-maji tə̂ kə̂ n̂-dda kə je ddəw tə̂ lə Jeju-Kristə le, Lubba ndiki ta tɔju maji laa kə̂ uta dɔɛ̂ kə ndɔ kə ndɔ.

Epɛjinyɛje 3:15

Ne â gəl nɛ̂nje tɔyn kə̂ mə dara tə̂ kə dɔ nangə tə̂ inje rɔɛ̂ tə̂.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Epɛjinyɛje 6:10

Ta kutu nɛ̂n dɔɛ̂ a, maji karə ingaje singa ddəw mə-kâra tə̂ kə̂ ə-ddaje kə Əbbə-dəwje, ddəw singa-mɔngu tə̂ laa kə̂ bo nya.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Pilipinyɛje 4:19

Lubba le a karəse nɛ̂nje tɔyn kə̂ ə-ndikije ddəw tə̂ lə Jeju-Kristə, mba nɛ̂n-kinga laa to baa kə nangə̂.

Kolosinyɛje 1:11

Lubba a dda karə ingaje singa mə nɛ̂nje tə̂ tɔyn ddəw singa-mɔngu tə̂ laa kə̂ to nɛ̂n-piti. Baann bba â tɔje wurse ngaâ â kuwaje karə ngəng mə nɛ̂nje tə̂ tɔyn.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

2 Timɔte 4:17

A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.

Ebərəje 11:34

N̂-tɔlje puruje kə̂ aw ɔn kə singa nya, n̂-teeje ji dəwje tə̂ kə̂ a ta tɔlde kə tɔkə kiya. Singade ɔru, a n̂-təl dingaje singa. Mə ddɔ tə̂, n̂-ddeeje to baw-ddɔje njaa ngaâ n̂-tubbaje njê-ddɔje kə̂ inje marə bbeje tə̂ kə̂ dang kə̂ ndikije ta taa bbe ləde jide tə̂.

1 Piyɛr 3:4

A maji karə ə-ddaje mandə ləse məse tə̂. Yeenn to mandə kə̂ a tuju ndɔ kâra ang ngaâ ta arəje kəjə ləse wul pee ddəm to ddekeke ddəm. Yeenn bba to nɛ̂n kə̂ ngəng kəm Lubba tə̂.