Epɛjinyɛje 3:10 - Dɔnɔn kə̂ Siki: Tar kə̂ aw arə təbbə

¹⁰ Yeenn bba bbasinɛn, ddəw tə̂ lə Egilisi, singa-mɔnguje kə singa kɔn-mbayje kə̂ mə dara tə̂ gərəje nɛ̂n kəm-karɛ lə Lubba dang dang,

Epɛjinyɛje 3:10 Iomraidhean Croise

Rɔmɛnje 11:33

Mə-maji lə Lubba bo nya! Kəm-karɛ laa kə nɛ̂n-gərə laa bo nya! Nân bba a kasə gərə gəl sariya kə̂ naw gangə wa? Nân bba a kasə gərə ddəw kə̂ naw dda nɛ̂n nɛ̂n wa?

Rɔmɛnje 8:38

Tɔkɔrɔ, m-gərə kə majɛ̂ to marə nɛ̂n kə̂ a tinje kə ndiki laa goto. Yo ang ddəm təbbə ang ddəm anjəje ang ddəm marə ndilje kə̂ maji ang kə̂ darâ kə̂ ɔn dɔ dəwje ang ddəm nɛ̂n kə̂ bbokənɛn nəənn ang ddəm nɛ̂n kə̂ mə ndɔje tə̂ kə̂ aw ddee ang ddəm

1 Kɔrɛntinyɛje 1:24

A dede kə̂ n̂-toje to Jiipije wase Gɛrɛkəje kə̂ Lubba bbarde kə ddaka, dooje Kristə to singa-mɔngu lə Lubba ddəm kəm-karɛ lə Lubba ddəm.

1 Kɔrɛntinyɛje 2:7

Jaw tɔju kəm-karɛ lə Lubba kə̂ to nɛ̂n kə̂ dum dɔ dəw ngaâ iya rɔɛ̂. Kete bba karə duninya to le, Lubba gɔl kəm-karɛ le tokə kete, ta dda karə jinga nɛ̂n piti laa.

Epɛjinyɛje 1:21

dɔ ndilje tə̂ tɔyn kə̂ aw ɔnje mbay, dɔ singa-mɔnguje tə̂ tɔyn kə dɔ rije tə̂ tɔyn kə̂ dəwje aw bbar nangə̂ nəənn, ndɔ tə̂ kə̂ bbokənɛn ddəm kə̂ bara ddəm.

Epɛjinyɛje 1:23

Egilisi le to da-rɔ Kristə ngaâ Kristə ddusu Egilisi tɔyn ngaâ Lubba ddusu Kristə tɔyn.

Epɛjinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

Epɛjinyɛje 1:8

Tɔkɔrɔ njaa, n̂-dda kə je mə-maji bo nya ngaâ narəje nɛ̂n-gərə tɔyn kə kəm-karɛ tɔyn.

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Kolosinyɛje 1:16

Mba ddəw tə̂ laa â Lubba dda nɛ̂nje tɔyn kə̂ mə dara tə̂ ddəm dɔ nangə tə̂ ddəm nɛ̂nje kə̂ kəm dəw oo ddəm yeje kə̂ kəm dəw oo ang ddəm. N̂-dda ndilje kə̂ toje to njê-singaje, ndilje kə̂ aw ɔnje mbay. Lubba dda nɛ̂nje tɔyn ddəw tə̂ lə Kristə le ddəm mba Kristə le ddəm.

Kolosinyɛje 2:10

Sese kara, ingaje nɛ̂nje tɔyn kə nangə̂ baa ddəw mə-kâra tə̂ kə̂ ə-ddaje saa, ne kə̂ nɔn dɔ ndilje tɔyn kə̂ aw ɔnje mbay ddəm singa-mɔnguje tɔyn ddəm.

Kolosinyɛje 2:15

Lubba ɔru singa lə ndilje tɔyn kə̂ aw ɔnje mbay. N̂-tɔjude kəm dəwje tə̂ tɔyn ngaâ nuwade to bbərəje narə dɔsuje nja kə go kulɛ̂ go Ngonnɛ̂ tə̂ kə̂ tətə ddɔ le.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.