Epɛjinyɛje 2:9 - Dɔnɔn kə̂ Siki: Tar kə̂ aw arə təbbə

⁹ Lubba ajise mba kula-ddase ang. Baann bba karə marə dəw unda nɛ̂n gue baa ang.

Epɛjinyɛje 2:9 Iomraidhean Croise

Rɔmɛnje 11:6

Lubba mbərəde ddəw mə-maji tə̂ laa bbo n̂-mbərəde mba marə kula kə̂ n̂-ddaje ang. Bbo baann ang a, mə-maji le a to mə-maji ang ngaa.

Rɔmɛnje 3:20

Mba yeenn bba, dəw kâra kə̂ a dda nɛ̂n kə turu Ndu ta to nɛ̂n gatə gatə kəm Lubba tə̂ goto. Tɔkɔrɔ, Ndu arə ddəw dəw ta gərə majang laa njaa, a bbayɛ̂.

Rɔmɛnje 4:2

Bbo Lubba oo Abaraham to dəw kə̂ gatə gatə mba nɛ̂n kə̂ n̂-dda a, nasə ta kɔsu gaji rɔɛ̂. A nâ kɔsu gaji rɔɛ̂ le kəm Lubba tə̂ ang.

Rɔmɛnje 9:11

Lubba njaa gɔl ddəw kə̂ naw mbərə nɛ̂n dəwje. N̂-mbərə dəwje mba bbar kə̂ n̂-bbarde bbo mba kula-ddade ang. Ta tɔju dəwje to n̂-to gatə gatə ddəw nɛ̂n tə̂ kə̂ n̂-gɔl ta dda le, Lubba le pa arə Rebeka kar tə̂ kə̂ n̂-nayn nuju nɛ̂n ang bbay ngaâ ngannɛ̂ le nayn ddaje maji wase majang ang bbay nan: «Ne kə̂ tɔkə nâ to nje-kula lə ne kə̂ mbatə.»

Rɔmɛnje 9:16

Yeenn a, nɛ̂ɛnn le ddee ddəw tə̂ lə Lubba kə̂ aw oo kəm-to-ndoo lə dəwje bbo ddee ddəw mə-ndiki tə̂ lə dəw ang ddəm ddəw singa tə̂ kə̂ dəw aw dda dɔ rɔɛ̂ tə̂ ang ddəm.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.